ବେଙ୍ଗାଲୁରୁ,୨୮।୧୧: ତିନି ବର୍ଷ ମଧ୍ୟରେ ୯୦୦ ବେଆଇନ ଗର୍ଭପାତ କରାଇଥିବା ଜଣେ ଡାକ୍ତର ଏବଂ ତାଙ୍କ ଲ୍ୟାବ ଟେକ୍ନିସିଆନଙ୍କୁ ବେଙ୍ଗାଲୁରୁ ପୋଲିସ ଗିରଫ କରିଛି। ଅଭିଯୁକ୍ତମାନେ ହେଲେ ଚନ୍ଦନ ବଲାଲ ଏବଂ ଲ୍ୟାବ ଟେକ୍ନିସିଆନ ନିସର ବୋଲି ଜଣାପଡିଛି। ଉଭୟ ଗର୍ଭପାତ ପାଇଁ ପ୍ରତ୍ୟେକଙ୍କଠାରୁ ପ୍ରାୟ ୩୦ ହଜାର ଟଙ୍କା ଆଦାୟ କରୁଥିଲେ। ଏହି ମାସ ଆରମ୍ଭରେ ହସ୍ପିଟାଲ ମ୍ୟାନେଜର ମୀନା ଏବଂ ରିସେପସନିଷ୍ଟ ରିଜମା ଖାନଙ୍କୁ ଗିରଫ କରାଯାଇଥିଲା।
ଗତ ମାସରେ ପୋଲିସ ଏକ ଗର୍ଭବତୀ ମହିଳାଙ୍କୁ ଏକ କାରରେ ଗର୍ଭପାତ କରାଇବା ସମୟରେ ମହୀସୁର ନିକଟ ମାଣ୍ଡିଆରେ ଲିଙ୍ଗ ନିର୍ଣ୍ଣୟ ଏବଂ ଗର୍ଭପାତ ରାକେଟକୁ ଧରି ଗିରଫ କରିଥିଲା। ଏହି ସମୟରେ ସବୁ ଘଟଣାର ପର୍ଦ୍ଦାଫାସ ହୋଇଥିଲା।