୯୩ ବର୍ଷୀୟ ଜଣେ ନାଜି ଗାର୍ଡଙ୍କୁ ଜର୍ମାନ କୋର୍ଟ ୫୨୩୦ ଜଣଙ୍କ ହତ୍ୟା ଘଟଣାର ଦୋଷୀ ସାବ୍ୟସ୍ତ କରିଛନ୍ତି। ସେ ହେଲେ ବ୍ରୁନୋ ଦେ। ବ୍ରୁନୋ ୭୫ ବର୍ଷ ପୂର୍ବେ ଷ୍ଟଥ୍ଅଫ୍ କନ୍ଷନଟ୍ରେଶନ କ୍ୟାମ୍ପରେ ଗାର୍ଡ ଭାବେ କାର୍ଯ୍ୟରତ ଥିଲେ। ସେ ସେଠାରେ ନାଜିମାନଙ୍କୁ ହତ୍ୟା କରିବାରେ ସହଯୋଗ କରୁଥିଲେ। ବ୍ରୁନୋ ଡେ ପୋଲାଣ୍ଡର ଡେକ୍ସ ପୂର୍ବରେ ଥିବା ଷ୍ଟଥଅଫ୍ କ୍ୟାମ୍ପରେ ୧୯୪୪ ଅଗଷ୍ଟରୁ ୧୯୪୫ ଅପ୍ରେଲ ପର୍ଯ୍ୟନ୍ତ ଗାର୍ଡ ଥିଲେ। ଦ୍ୱିତୀୟ ବିଶ୍ୱଯୁଦ୍ଧ ଶେଷ ହେବା ପରେ ମଧ୍ୟ ତାଙ୍କ ବିରୋଧରେ ମାମଲା ଚାଲିଥିଲା। ସେତେବେଳେ ତାଙ୍କୁ ମାତ୍ର ୧୭ ବର୍ଷ ହୋଇଥିଲା। ନାବାଳକ ହୋଇଥିବାରୁ ତାଙ୍କୁ ମାତ୍ର ୨ ବର୍ଷ ଦଣ୍ଡିତ କରାଯାଇଥିଲା। ପରେ ଛାଡିଦିଆଯାଇଥିଲା। କିନ୍ତୁ ମୃତକଙ୍କ ପରିବାର ଲୋକେ ପୁନର୍ବାର ସ୍ବର ଉତ୍ତୋଳନ କରିଥିଲେ। ନାଜି ଯୁଗର ଅପରାଧୀଙ୍କୁ ଦଣ୍ଡ ଦେବା ପ୍ରକ୍ରିୟା ଜର୍ମାନୀରେ ଦୀର୍ଘ ବର୍ଷ ଧରି ଚାଲିଆସୁଥିଲା। ଏହି କ୍ରମରେ ବ୍ରୁନୋଙ୍କ ନାମରେ ଆଉଥରେ କେସ୍ ଚାଲିଲା। ପରେ ବ୍ରୁନୋଙ୍କୁ ରାଜ୍ୟ କୋର୍ଟକୁ ହୁଇଲ୍ ଚେୟାରରେ ନିଆଗଲା। ଏହି ସମୟରେ ସେ ଏକ ନୀଳ ରଙ୍ଗର ମାସ୍କ ମଧ୍ୟ ପିନ୍ଧିଥିଲେ। ‘ଆପଣଙ୍କୁ ଏହି କାର୍ଯ୍ୟରେ ସାମିଲ ହେବାର ନ ଥିଲା। ମାତ୍ର ଏଥିରେ ସାମିଲ ହେଲେ। ତେଣୁ ଆପଣ ଏହାର ଅପରାଧୀ ବୋଲି ଜଜ୍ ଆନି ମିୟର ଗୋରିଙ୍ଗ ବ୍ରୁନୋଙ୍କୁ କହିଥିଲେ। ବ୍ରୁନୋ କୁହନ୍ତି, ଗ୍ୟାସ ଚାମ୍ବରରେ ଚିତ୍କାର କରୁଥିବା ଲୋକଙ୍କ ସ୍ବର ମୁଁ ଶୁଣିଛି। ମୃତଦେହ ବାହାରକୁ ଆସୁଥିବା ମଧ୍ୟ ଦେଖିଛି। ଏହା ପରେ ସେ କେବେ ବି ସାନ୍ତିରେ ଶୋଇପାରି ନ ଥିଲେ। ପ୍ରତିଦିନ ରାତିରେ ଭୟଙ୍କର ସ୍ବପ୍ନ ଦେଖୁଥିଲେ ବୋଲି ସେ କହିଛନ୍ତି। ନରଜି କ୍ୟାମ୍ପରେ ପ୍ରାୟ ୬୦ ହଜାର ଇହୁଦିଙ୍କ ମୃତ୍ୟୁ ଘଟିଥିଲା। ଜର୍ମାନୀ ନିକଟରେ ଥିବା ପୋଲାଣ୍ଡର ଷ୍ଟୁଟୋଭୋରେ ଅନେକ ଏକାଗ୍ରତା ଶିବିର ନିର୍ମାଣ କରାଯାଇଥିଲା। ଯେଉଁଥିରେ ଏହି ଇହୁଦୀମାନେ ନାଜି ସେନା ଦ୍ୱାରା ଦଣ୍ଡିତ ହୋଇଥିଲେ।