କଟକ ଅଫିସ, ୭।୮: କଟକ ବିଦ୍ୟାଧରପୁର ସ୍ଥିତ ଏନ୍ଆର୍ଆର୍ଆଇ ନିର୍ଦ୍ଦେଶକ ଡ.ଦୀପଙ୍କର ମାଇତିଙ୍କ ନେତୃତ୍ୱରେ ୯ କିସମର ନୂତନ ଧାନ ଉଦ୍ଭାବନ କରାଯାଇଛି। ଡ. ଶରତ ପ୍ରଧାନ, ଡ. ମିରା କୁମାରୀ କର, ଡ. କ୍ରିଷ୍ନେନ୍ଦୁ ଚଟ୍ଟୋପାଧ୍ୟାୟ, ଡ. ସୁଶାନ୍ତ ଦାସ ଓ ଡ. ରାମ ଲଖନ ବର୍ମା ତଥା ଅନ୍ୟ ବୈଜ୍ଞାନିକମାନଙ୍କ ସହାୟତାରେ ଏହି ନୂତନ କିସମ ଉଦ୍ଭାବିତ ହୋଇଛି। ଡ. ଶରତ ପ୍ରଧାନଙ୍କ ଦ୍ୱାରା ଉଦ୍ଭାବିତ ଧାନ ହେଲା ସିଆର୍ଆର୍ଆଇ ୪୧୩(ରୀତା ପାଣିଧାନ), ସିଆର୍ଆର୍ଆଇ ୫୧୨(ଶତୃଘ୍ନ), ସିଆର୍ଆର୍ଆଇ ୮୦୩(ତ୍ରିଲୋଚନ)। ଏହି ଧାନ ଗଛଗୁଡ଼ିକ ବିଶେଷ କରି ଉପକୂଳ ଜିଲାର ଖାଲ ଓ ଜଳମଗ୍ନ ଜମି ପାଇଁ ଉପଯୁକ୍ତ ହେବା ସହ ବନ୍ୟା ପାଣିକୁ ସହନ କରିବାର କ୍ଷମତା ରହିଛି। ଏଥ୍ତ୍ରେ କାଣ୍ଡବିନ୍ଧା, ପତ୍ରମୋଡା, ଚକଡା ପୋକ, ନେକ୍ ବ୍ଲାଷ୍ଟ ରୋଗ ପ୍ରତିରୋଧକ ଶକ୍ତି ରହିଛି। ୧୪୫ ଦିନରେ ଧାନ ଅମଳ ହେଉଥ୍ତ୍ବା ଏହି କିସମରୁ ହେକ୍ଟର ପିଛା ୫୦ କ୍ବିଣ୍ଟାଲ ଧାନ ଅମଳ ହୋଇଥାଏ। ଡ.କ୍ରିଷ୍ନେନ୍ଦୁ ଚଟ୍ଟୋପାଧ୍ୟାୟଙ୍କ ଉଦ୍ଭାବିତ ଧାନ କିସମ ସିଆର୍ଆର୍ଆଇ ୪୧୧(ସ୍ବଣର୍ସ), ସିଆର୍ଆର୍ଆଇ ୪୧୨(ସ୍ବଣର୍ସାଞ୍ଜଳି)। ଏହା ସମୁଦ୍ରକୂଳ ଅଞ୍ଚଳ ଜମି ପାଇଁ ଉପଯୁକ୍ତ। ଏହି ଧାନର ଚାଉଳରେ ୧୦ ପ୍ରତିଶତ ପୁଷ୍ଟିସାର ରହିଛି। ୧୪୦ରୁ ୧୫୫ ଦିନ ମଧ୍ୟରେ ଏହି କିସମ ଧାନ ଅମଳ ହୋଇଥାଏ। ଡ. ସୁଶାନ୍ତ ଦାସଙ୍କ ଉଦ୍ଭାବିତ ଧାନ କିସମ ସିଆର୍ଆର୍ଆଇ ୩୧୬(ଗୌରବ)୧୩୦ରୁ ୧୩୫ ଦିନରେ ଅମଳ ହୋଇଥାଏ। ଏହା ହେକ୍ଟର ପିଛା ୬୫ କ୍ବିଣ୍ଟାଲ ଧାନ ଅମଳ ହୋଇଥାଏ। ଡ. ମିରା କୁମାରୀ କରଙ୍କ ଉଦ୍ଭାବିତ ଧାନ ହେଲା ସିଆର୍ଆର୍ଆଇ ୩୧୭(ରୋଷନ)। ଏହି କିସମରୁ ୧୩୦ରୁ ୧୩୫ ଦିନରେ ହେକ୍ଟର ପିଛା ୫୦ କ୍ବିଣ୍ଟାଲ ଅମଳ ମିଳିଥାଏ। ଡ. ରାମ ଲଖନ ବର୍ମାଙ୍କ ଉ୍ଦ୍ଭାବିତ ଧାନ ସିଆର୍ଆର୍ଆଇ ୭୦୨, ସିଆର୍ଆର୍ଆଇ ୭୦୩ର ଗଛ ଗୁଡିକ କାଣ୍ଡ ମୋଟା ହୋଇଥ୍ତ୍ବାରୁ ସହଜରେ ଭାଙ୍ଗେନାହିଁ। ଜଳ ସେଚିତ ଓ ଅଳ୍ପ ଖାଲୁଆ ଜମି ଗୁଡିକ ପାଇଁ ଉପଯୁକ୍ତ ଏହି କିସମ ଧାନ ଗଛରୁ ୧୩୫ ରୁ ୧୪୦ ଦିନରେ ଧାନ ଅମଳ ହୋଇଥାଏ। ଏଥିରୁ ହେକ୍ଟର ପିଛା ୮୦ କ୍ବିଣ୍ଟାଲ ଧାନ ଅମଳ ହୋଇଥାଏ ବୋଲି ଏନ୍ଆର୍ଆର୍ଆଇ ପକ୍ଷରୁ ସୂଚନା ଦିଆଯାଇଛି।