![](https://www.dharitri.com/wp-content/uploads/2020/05/gas-cylinder.jpg)
ନୂଆଦିଲ୍ଲୀ,୧।୫: ସାଧାରଣ ଜନତାଙ୍କ ପାଇଁ ଖୁସି ଖବର। ନନ୍- ସବ୍ସିଡି ରୋଷେଇ ଗ୍ୟାସ୍ର ଦାମ ଏବେ କମ୍ ହୋଇଛି। ଦେଶର ଅଏଲ ମାର୍କେଟିଂ କମ୍ପାନୀ ଏଚ୍ପିସିଏଲ୍, ବିପିସିଏଲ୍, ଓ ଆଇଓସି ଦ୍ୱାରା ଶୁକ୍ରବାର ଏହି ଘୋଷଣା କରାଯାଇଛି। ରାଜଧାନୀ ଦିଲ୍ଲୀରେ ନନ୍- ସବ୍ସିଡି ରୋଷେଇ ଗ୍ୟାସ୍ ୧୪.୨ କିଲୋଗ୍ରାମ ସିଲିଣ୍ଡରରେ ୧୬୨ ଟଙ୍କା ୫୦ ପଇସା କମ୍ କରାଯାଇଛି। ଏହାପରେ ଏବେ ଦିଲ୍ଲୀରେ ୧୪.୨ କିଲୋଗ୍ରାମ ସିଲିଣ୍ଡରର ଦାମ୍ ୫୮୧ଟଙ୍କା ୫୦ ପଇସା ହୋଇଯାଇଛି। ସେହିପରି କୋଲକାତାରେ ଏହି ସିଲିଣ୍ଡରର ଦାମ୍ ୧୯୦ଟଙ୍କା, ମୁମ୍ବାଇରେ ୧୩୫ ଟଙ୍କା ୫୦ ପଇସା ଓ ଚେନ୍ନାଇରେ ୧୯୨ ଟଙ୍କା କମ୍ କରାଯାଇଛି।