ମେଷ
![](https://www.dharitri.com/wp-content/uploads/2019/05/Aries-Mesh.png)
ଆଜି ଚନ୍ଦ୍ରଙ୍କ ଷଷ୍ଠସ୍ଥ ମଙ୍ଗଳ ହେତୁ ସ୍ବାସ୍ଥ୍ୟ ମଧ୍ୟମ ପ୍ରକାରର ରହିବ। କିନ୍ତୁ ମନ ଅନୁଯାୟୀ କାମ ସମ୍ପନ୍ନ କରିବା କଷ୍ଟକର ହୋଇପଡିବ। କର୍ମକ୍ଷେତ୍ରରେ ଉତ୍ସାହର ସହ କାର୍ଯ୍ୟ କରିବାରେ ସମର୍ଥ ହେବେ। ସତର୍କତା ଅଭାବରୁ ସାଧାରଣ ଘଟଣା ବିବାଦୀୟ ପରିସ୍ଥିତି କିମ୍ବା ଭିନ୍ନରୂପ ନେଇପାରେ।
ବୃଷ
![ବୃଷ](https://www.dharitri.com/wp-content/uploads/2019/05/Taurus-Vrishab.png)
ବିଳାସକାରକ ଶୁକ୍ର ଉଚ୍ଚସ୍ଥ ଯୋଗୁ ଖୁସି ମିଜାଜରେ କାମ କରିବାର ସୌଭାଗ୍ୟ ଅର୍ଜନ କରିବେ କିନ୍ତୁ ଅଷ୍ଟମଚନ୍ଦ୍ର କୌଣସି ଅନର୍ଥର କାରଣ ପାଲଟିଯାଇପାରେ। ଶିଳ୍ପ, ବାଣିଜ୍ୟ, ବ୍ୟବସାୟ, ଶିଳ୍ପ ଓ ଏଜେନ୍ସିପରୁ ମନ ଖୁସି ରହିବ। କର୍ମକ୍ଷେତ୍ରରେ ସହଯୋଗ ଭିତ୍ତିରେ କାମ କଲେ ଉପକାର ପାଇବେ।
ମିଥୁନ
![ମିଥୁନ](https://www.dharitri.com/wp-content/uploads/2019/05/Gemini-Mithun.png)
ଧନାଧିପ ରାଶିକୁ ଦେଖୁଥିବାରୁ ଅର୍ଥଲାଭ ସହିତ ବନ୍ଧୁମିଳନରୁ ଖୁସୀ ହେବେ। ଯେଉଁ କାମରେ ହାତ ଦେବେ ସେଥିରେ ନିଶ୍ଚିତ ଭାବରେ ସଫଳତା ଅର୍ଜନ କରିବେ। ମାଲିମକଦ୍ଦମାରେ ସ୍ଥିତି ଅନୁକୂଳ ହୋଇପାରେ। ସ୍ବାସ୍ଥ୍ୟ ସମସ୍ୟା କେତେକାଂଶରେ ପ୍ରଗତିର ପଥରୋଧ କରିବ।
କର୍କଟ
![କର୍କଟ](https://www.dharitri.com/wp-content/uploads/2019/05/Cancer-Karkata.png)
ସାମାନ୍ୟ ଅସୁବିଧା ହେଲେ ମଧ୍ୟ ପାରିବାରିକ, ପ୍ରଶାସନ, ଯାନବାହନ, ନିର୍ମାଣ ଓ ଯାତ୍ରାରୁ ସୁଫଳ ପାଇବେ। ଗୁରୁକ୍ଷେତ୍ରସ୍ଥ ଚନ୍ଦ୍ର ହେତୁ ସ୍ବାସ୍ଥ୍ୟରେ ଉନ୍ନତି ଘଟିବ। ସାମାଜିକ ସ୍ତରରେ ସାଧାରଣ କଥାରେ ବନ୍ଧୁମାନେ ମୁହଁ ଫୁଲାଇବେ। ସଭାସମିତି, ମନୋରଞ୍ଜନ, ଆଧ୍ୟାତ୍ମିକ ତଥା ରଚନାମତ୍କ କାର୍ଯ୍ୟରେ ଅଗ୍ରଗତି ଘଟିବ।
ସି˚ହ
![ସି˚ହ](https://www.dharitri.com/wp-content/uploads/2019/05/Leo-Simha.png)
ଅଷ୍ଟମସ୍ଥ ରବିଙ୍କ ଯୋଗୁ ଆଜି ସତର୍କରେ ନ ଚଳିଲେ ଅର୍ଥହାନି ସଙ୍ଗକୁ କଳହ ଘଟିପାରେ। କିନ୍ତୁ କର୍ମକ୍ଷେତ୍ରରେ ଉଚ୍ଚବର୍ଗର ବ୍ୟକ୍ତିବିଶେଷଙ୍କ ସାନ୍ନିଧ୍ୟ ଲାଭ କରିବେ। ବ୍ୟବସାୟୀମାନେ, ବିଶେଷଭାବେ ପରିବହନ, ମନୋରଞ୍ଜନ କାର୍ଯ୍ୟକ୍ରମାଦିରୁ ଲାଭବାନ ହେବେ। ସାମାନ୍ୟ ଶାରୀରିକ ଅସୁସ୍ଥି ଅନୁଭବ କରିପାରନ୍ତି।
କନ୍ୟା
![](https://www.dharitri.com/wp-content/uploads/2019/05/Virgo-Kanya.png)
କଥା କଥାକେ ସାହାଯ୍ୟର ପ୍ରତିଶ୍ରୁତି ଦେଉଥିବା ଲୋକଟି ଠିକଣା ସମୟରେ ସାମ୍ନାକୁ ଆସିବ ନାହିଁ। ବୁଧଙ୍କ ଦୁର୍ବଳତା ଆତ୍ମୀୟସ୍ବଜନଙ୍କ ସ୍ବାସ୍ଥ୍ୟ ସମସ୍ୟାର ନିରାକରଣ ପାଇଁ ଚିନ୍ତା ବଢିପାରେ। ଆଇନ ଅଦାଲତରୁ ସୁଫଳ ପାଇବେ। ପାରିବାରିକ, ଆନୁଷ୍ଠାନିକ, ବ୍ୟବସାୟିକ କ୍ଷେତ୍ର ମଧ୍ୟମ ପ୍ରକାରର ରହିବ।
ତୁଳା
![ତୁଳା](https://www.dharitri.com/wp-content/uploads/2019/05/Libra-Tula.png)
ବିଭିନ୍ନ ଯୋଜନା ହାତକୁ ନେବେ କିନ୍ତୁ ଶନିଙ୍କ ପ୍ରଭାବ ଆର୍ଥିକସ୍ଥିତିକୁ ବିଗାଡୁଥିବାରୁ ବ୍ୟସ୍ତ ହୋଇପାରନ୍ତି। ବ୍ୟବସାୟରେ ଉନ୍ନତି ଏବଂ ନିର୍ମାଣ କାର୍ଯ୍ୟ ଅଟକିବ ନାହିଁ। ଆଜି ଆନୁଷ୍ଠାନିକ କ୍ଷେତ୍ରରେ ବନ୍ଧୁ ମିଳନରୁ ଉତ୍ସାହିତ ହେବେ। ଜଣେ ଅପରିଚିତ ବ୍ୟକ୍ତି ବହୁତ ସାହାଯ୍ୟ କରିବେ; ଯାହା କି ଆପଣଙ୍କ କଳ୍ପନା ବାହାରେ ଥିବ।
ବିଛା
![ବିଛା](https://www.dharitri.com/wp-content/uploads/2019/05/Scorpio-Bicha.png)
ଆଜି ପାପଗ୍ରହ ମଧ୍ୟସ୍ଥ ଚନ୍ଦ୍ରଙ୍କ ଯୋଗୁ ବିଚଳିତ ବୋଧ କରିବେ। ପୁତ୍ରକନ୍ୟାଙ୍କ ବୈବାହିକ କର୍ମ ସକାଶେ ପ୍ରସ୍ତାବ ସ୍ଥିରୀକୃତ ହେବାର ସୂଚନା ରହିଛି। ଜମିଜମା, କଳିତକରାଳ, ଗୃହସୀମା ପ୍ରଭୃତି ବିବଦମାନ ସ୍ଥିତିରୁ ସହସା ମୁକ୍ତି ମିଳିବ। ସାମାଜିକ ସ୍ତରରେ ନୀଚବ୍ୟକ୍ତି ଦ୍ୱାରା ପ୍ରଭାବିତ ହୋଇ ଅସମ୍ମାନିତ ହୋଇପାରନ୍ତି।
ଧନୁ
![ଧନୁ](https://www.dharitri.com/wp-content/uploads/2019/05/Sagittarius-Dhanu.png)
ଆଜି ପାରିପାର୍ଶ୍ୱିକ ପରିସ୍ଥିତି ପ୍ରତି କାମ କଲେ ନିଶ୍ଚିତ ଉପକୃତ ହେବେ। ଉପଯୁକ୍ତ ପରାମର୍ଶ ଏବଂ ଗଠନ ମୂଳକ ପ୍ରେରଣା ଦେଇ କର୍ମକ୍ଷେତ୍ରରେ ପ୍ରଶଂସିତ ହେବେ। ସାମୟିକ ବ୍ରଣ, ଘିମିରି, ଆଣ୍ଠୁଗଣ୍ଠି ବାତ, ଗ୍ୟାଷ୍ଟିକ ରୋଗରେ କଷ୍ଟ ପାଇପାବେ। ପୂର୍ବାଷାଢା ନକ୍ଷତ୍ରର ଆକସ୍ମିକ ଭାବରେ ଘରକୁ ବନ୍ଧୁ କେହି ଆସିପାରନ୍ତି।
ମକର
![ମକର](https://www.dharitri.com/wp-content/uploads/2019/05/Capricorn-Makar.png)
ପାପଗ୍ରହ ଯୁକ୍ତ ଚତୁର୍ଥାଧିପ ହେତୁ ଜଣାଶୁଣା କେହି ବ୍ୟକ୍ତି କାମ ହାସଲରେ ବିଘ୍ନ ଘଟାଇବେ। ତଥାପି ଆପଣ ଯେକୌଣସି ପ୍ରକାରେ ଅର୍ଥ ସଂଗ୍ରହ କରି କାର୍ଯ୍ୟଟିକୁ ସମ୍ପନ୍ନ କରିବେ। ଉତ୍ତରାଷାଢା ନକ୍ଷତ୍ରର ପାରିବାରିକ ଜଞ୍ଜାଳ ବୃଦ୍ଧି ହେତୁ ମାନସିକ ସ୍ଥିତି ଭଲ ରହିବ ନାହିଁ। ପିଲାଙ୍କ ବିଶୃଙ୍ଖଳିତ ଆଚରଣରେ କ୍ଷୁବ୍ଧ ହେବେ।
କୁମ୍ଭ
![କୁମ୍ଭ](https://www.dharitri.com/wp-content/uploads/2019/05/Aquarius-Kumbha.png)
କେତୁଙ୍କ କୁପ୍ରଭାବରୁ ହାତକୁ ନେଇଥିବା କାମ ଗୁଡିକ ସହଜରେ ସମ୍ପନ୍ନ ନ ହୋଇପାରେ। ଦୀର୍ଘ ଦିନରୁ ଅଟକି ରହିଥିବା କାମକୁ ସମ୍ପୂର୍ଣ୍ଣ କରିବେ। ମିଥ୍ୟା ଅଭିଯୋଗ ସକାଶେ ଅନ୍ୟ ଉପରେ ବିରକ୍ତି ପ୍ରକାଶ କରିପାରନ୍ତି। ପରିଜନଙ୍କ ସହ ଭ୍ରମଣ ହେତୁକ କ୍ଲାନ୍ତି ଓ ଅବସାଦ ଦେଖାଦେଇପାରେ।
ମୀନ![ମୀନ](https://www.dharitri.com/wp-content/uploads/2019/05/Pisces-Mina.png)
ରେବତୀ ନକ୍ଷତ୍ର ପାରିବାରିକ ସ୍ଥିରତା ରକ୍ଷାରେ ଅସମର୍ଥ ହେବେ। ବିବାଦୀୟ ପରିସ୍ଥିତିରେ ଲଢେଇ କଲେ ବାଦୀ ଓ ପ୍ରତିବାଦୀ ଉଭୟେ କ୍ଷତିଗ୍ରସ୍ତ ହେବେ। କିନ୍ତୁ ସାମାଜିକ, ଆନୁଷ୍ଠାନିକ କାମରେ ପ୍ରତିବନ୍ଧକ ସୃଷ୍ଟି ହେଲେ ମଧ୍ୟ ପ୍ରତିଷ୍ଠା ଓ ପ୍ରଶଂସା ଅକ୍ଷୁଣ୍ଣ ରହିବ। ନୂତନ ସ୍ଥାନ ପରିଦର୍ଶନ ସଙ୍ଗକୁ ବନ୍ଧୁ ଦର୍ଶନର ସୁଯୋଗ ପାଇବେ।