ନୂଆଦିଲ୍ଲୀ,୧୮ ।୭: ସଂସଦର ମୌସୁମୀ ଅଧିବେଶନ ସୋମବାରଠାରୁ ଆରମ୍ଭ ହେବାକୁ ଯାଉଛି । ଏାର ଠିକ୍ ଗୋଟିଏ ଦିନ ପୂର୍ବରୁ ଅର୍ଥାତ୍ ରବିବାର ସରକାରଙ୍କ ଦ୍ୱାରା ଡକାଯାଇଥିବା ସର୍ବଳୀୟ ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯୋଗ ଦେଇଥିଲେ । ଏହି ସମୟରେ ଲୋକ ସଭା ନେତା ରାଜନାଥ ସିଂ, ସଂସଦୀୟ କାର୍ଯ୍ୟ ମନ୍ତ୍ରୀ ପ୍ରହଲ୍ଲାଦ ଯୋଶୀ, ଅର୍ଜୁନ ରାମ ମେଘୱାଲ, ବି ମୁରଲିଧରନ ଓ ରାଜ୍ୟ ସଭାରେ ସଦନର ନେତା ପିୟୁଷ ଗୋୟଲ ବି ଉପସ୍ଥିତ ଥିଲେ । ବୈଠକରେ ଅନ୍ୟ ନେତାଙ୍କ ସହ କଂଗ୍ରେସରୁଅଧିର ରଞ୍ଜନ ଚୌଧୁରି ଓ ମଲ୍ଲିକାର୍ଜୁନ ଖଡଗେ, ତ୍ରୁଣମୂଳ କଂଗ୍ରେସରୁ ଡେରେକ ଓ ବ୍ରାୟସ ଓ ସୁଦୀପ ବନ୍ଦୋପାଧ୍ୟାୟ, ଡିଏମ୍ କେରୁ ତିରୁଚି ଶିବା ଓ ଟଇଆର ବାଲୁ, ୱାଇଏସ୍ ଆର୍ କଂଗ୍ରେସରୁ ମିଥୁନ ରେଡ୍ଡି ଓ ବିଜୟ ସାଇ ରେଡ୍ଡି, ବସପାରୁ ରିତେଶ ପାଣ୍ଡେଓ ସତୀସ ମିଶ୍ର ସାମିଲ ୋଇଥିଲେ । ସମାଜବାଦୀ ପାର୍ଟିରୁ ରାମଗୋପାଳ ୟାଦବ, ଅପନା ଦଳରୁ ଅନୁପ୍ରିୟା ପଟେଲ,ଅକାଳିଦଳରୁ ହରସିମରତ କୌର ବାଦଲ, ଶିବସେନାରୁ ସଞ୍ଜୟ ରାଉତ, ପିନାକି ମିଶ୍ର ଓ ପ୍ରସନ୍ନ ଆଚାର୍ଯ୍ୟ ଉପସ୍ଥିତ ଥିଲେ । ବୈଠକରେ ବିରୋଧି କୃଷି ଆଇନ, ମୂଲ୍ୟ ବୃଦ୍ଧି ବୃଦ୍ଧି(ବିଶେଷ ଭାବେ ପେଟ୍ରୋଲ ଡିଜେଲ)ଭଳି ମହତ୍ୱପୁର୍ଣ୍ଣ କଥା ଉଠାଇଥିଲେ । ସରକାର ସୂଚନା ଦେଇଥିଲେ କି ସେମାନେ ୫ ଅଧ୍ୟାଦେଶ ସହି କେତେ ଗୁଡଏ ବିଧେୟକକୁ ସୂଚି ବନ୍ଧ କରିଛନ୍ତି ।ଯାହାର ମୋଟ ସଂଖ୍ୟା ୨୯ । କିନ୍ତୁ ଏହା ବିପକ୍ଷଙ୍କୁ ପସନ୍ଦ ଆସି ନ ଥିଲା । ସେମାନେ କହିଥିଲେ ଏହା ଆଲୋଚନା କରାଗଲେ ହୁଏତ ମୁଖ୍ୟ ପ୍ରସଙ୍ଗ ଆଲୋଚନା କରିବାକୁ ସମୟ ହେବ ନାହିଁ । ହେଲେ ମୋଦି କଥା ଦେଇଥିଲେ କି ସବୁ ବିଷୟ ଉପରେ ବିଚାର କରାଯିବ ।
