![](https://www.dharitri.com/wp-content/uploads/2022/01/SATA-2-242.jpg)
ଅଭିନେତା କୁନାଲ କପୁର ଏବଂ ସ୍ତ୍ରୀ ନୈନା ବଚ୍ଚନଙ୍କ ଘରକୁ ଏକ ନୂଆ ଅତିଥି ଆସିଛନ୍ତି। ନୈନା ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି । ଏ ନେଇ କୁନାଲ କପୁର ସୋମବାର ତାଙ୍କ ଇନଷ୍ଟାଗ୍ରାମରେରେ ଶେୟାର କରିଛନ୍ତି। ଉଭୟଙ୍କ ପ୍ରଶଂସକ ସେମାନଙ୍କୁ ଶୁଭେଚ୍ଛା ଜଣାଇଛନ୍ତି । ସେ ଇନଷ୍ଟାଗ୍ରାମରେ ପୋଷ୍ଟ କରି ଲେଖିଛନ୍ତି, ଆମେ ଆମର ସମସ୍ତ ପ୍ରଶଂସକଙ୍କୁ ଜଣାଉଛୁ ଯେ, ଏକ ପୁତ୍ର ସନ୍ତାନର ପିତା-ମାତା ହୋଇଛୁ । ଏଭଳି ଆଶୀର୍ବାଦ ପାଇଁ ଆମେ ଭଗବାନଙ୍କୁ ଧନ୍ୟବାଦ ଜଣାଉଛୁ ।
କୁନାଲ ଏବଂ ନୈନାଙ୍କ କୋଳକୁ ପୁତ୍ର ସନ୍ତାନ ଆସିବା ଖବର ଶୁଣି ତାଙ୍କ ଫ୍ୟାନ୍ସ ଫଲୋର୍ସଙ୍କ ଶୁଭେଚ୍ଛାର ସୁଅ ଛୁଟୁଛି। କୁନାଲ ଏବଂ ନୈନା ୨୦୧୫ରେ ବିବାହ ବନ୍ଧନରେ ବାନ୍ଧି ହୋଇଥିଲେ । ନୈନା, ଅମିତାଭ ବଚ୍ଚନଙ୍କ ସାନ ଭାଇ ଅଜିତାଭ ଏବଂ ରମୋଲା ବଚ୍ଚନଙ୍କ ଝିଅ ।