![](https://www.dharitri.com/wp-content/uploads/2022/09/n-11.jpg)
ନୂଆଦିଲ୍ଲୀ, ୧।୯ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି , ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀ ଏବଂ ଶିଳ୍ପପତି ଗୌତମ ଆଦାନୀଙ୍କ ବିରୋଧରେ ଆମେରିକା କୋର୍ଟରେ ଏକ ମାମଲା ଦାୟର କରାଯାଇଛି। ଏହି ପରିପ୍ରେକ୍ଷୀରେ ଆମେରିକାର କୋର୍ଟ ଦ୍ୱାରା ଏହି ତିନିଜଣଙ୍କୁ ସମନ ଜାରି କରାଯାଇଛି। ପେଗାସସ, ଦୁର୍ନୀତି ସମେତ ଅନେକ ପ୍ରସଙ୍ଗରେ ରିଚମଣ୍ଡର ଡାକ୍ତର ଲୋକେଶ ଭାୟୁରୁ ଏହି ମାମଲା ଦାୟର କରିଛନ୍ତି।
ନ୍ୟୁୟର୍କର ଭାରତୀୟ-ଆମେରିକୀୟ ଆଇନଜୀବୀ ରବି ବତ୍ରା ଏହାକୁ ଏକ ସମାପ୍ତ ବିଚାର ବୋଲି କହିଛନ୍ତି। ଏଥି ସହିତ, ଏହି ନେତାଙ୍କ ସମେତ ଅନେକ ଲୋକଙ୍କୁ କଲମ୍ବିଆ ଜିଲାର କୋର୍ଟଙ୍କ ଦ୍ୱାରା ସମନ ଜାରି କରାଯାଇଛି। ଏହା ବ୍ୟତୀତ ବିଶ୍ୱ ଅର୍ଥନୈତିକ ଫୋରମର ଚେୟାରମ୍ୟାନ ପ୍ରଫେସର କ୍ଲାଉସ ଶ୍ୱାବଙ୍କ ନାମ ମଧ୍ୟ ଏହି ମକଦ୍ଦମାରେ ଅନ୍ତର୍ଭୁକ୍ତ ହୋଇଛି।
ଆନ୍ଧ୍ରପ୍ରଦେଶର ଭାରତୀୟ-ଆମେରିକୀୟ ଡାକ୍ତର କୌଣସି ଡକ୍ୟୁମେଣ୍ଟାରୀ ପ୍ରମାଣ ବିନା ଏହି ନେତାମାନଙ୍କୁ ଘେରିଛନ୍ତି। ସେ ଅଭିଯୋଗ କରିଛନ୍ତି ଯେ ପ୍ରଧାନମନ୍ତ୍ରୀ ମୋଦି, ଜଗନ ମୋହନ ଏବଂ ଆଦାନୀଙ୍କ ସମେତ ଅନେକ ଲୋକ ଦୁର୍ନୀତି ଏବଂ ରାଜନୈତିକ ବିରୋଧୀଙ୍କ ବିରୋଧରେ ପେଗାସସ ସ୍ପାଏୱେୟାର ବ୍ୟବହାରରେ ଜଡିତ ଅଛନ୍ତି। ଆମେରିକାରେ ବିପୁଳ ପରିମାଣରେ ନଗଦ ଟଙ୍କା ପଠାଇବା ବିଷୟରେ ମଧ୍ୟ ସେ ଉଲ୍ଲେଖ କରିଛନ୍ତି। ମେ ୨୪ ରେ ଏହି ମକଦ୍ଦମା ଦାୟର କରାଯାଇଥିଲା।
ବତ୍ରା କହିଛନ୍ତି ଯେ ଆମେରିକାର ସହଯୋଗୀଙ୍କ ପକ୍ଷରୁ ଭାରତକୁ ବଦନାମ କରିବା ପାଇଁ ୫୩ ପୃଷ୍ଠାର ଅଭିଯୋଗ ଦାଖଲ କରାଯାଇ ଫେଡେରାଲ କୋର୍ଟଙ୍କର ଅପବ୍ୟବହାର ହୋଇଛି।