![](https://www.dharitri.com/wp-content/uploads/2022/10/Rohit-3.jpg)
ନୂଆଦିଲ୍ଲୀ,୨୩।୧୦: ଟି୨୦ ବିଶ୍ୱକପ୍ ୨୦୨୨ରେ ରବିବାରଠାରୁ ନିଜର ମିଶନ୍ ଆରମ୍ଭ କରିବ ଟିମ୍ ଇଣ୍ଡିଆ। ମେଲବୋର୍ନରେ ଭାରତ ପାକିସ୍ତାନ ସହ ସୁପର-୧୨ ମୁକାବିଲାର ପ୍ରଥମ ମ୍ୟାଚ୍ ଖେଳିବ। ଅଧିନାୟକ ରୋହିତ ଶର୍ମାଙ୍କ ଅଧିନାୟକତ୍ୱରେ ଟିମ୍ ଏହି ଗୁରୁତ୍ୱପୂର୍ଣ୍ଣ ମ୍ୟାଚ୍କୁ ଜିତିବା ଲକ୍ଷ୍ୟରେ ଓହ୍ଲାଇବ। ଅଷ୍ଟ୍ରେଲିଆରେ ଏହି ମୁକାବିଲା ଖେଳାଯାଉଥିବାରୁ ସମୟରେ ସାମାନ୍ୟ ବ୍ୟତିକ୍ରମ ରହିଛି। ତେବେ ଆସନ୍ତୁ ଜାଣିବା ମ୍ୟାଚ୍ କେବେ ଆରମ୍ଭ ହେବ ଏବଂ କେଉଁଠି ଏହାକୁ ଦେଖିପାରିବେ…
କେତେବେଳେ ଆରମ୍ଭ ହେବ?
ଭାରତୀୟ ସମାନୁସାରେ ରବିବାର(ଅକ୍ଟୋବର ୨୩) ଅପରାହ୍ନ ୧.୩୦ରେ ମ୍ୟାଚ୍ ଆରମ୍ଭ ହେବ। ୧ଟାରେ ଟସ୍ ପଡ଼ିବ।
କେଉଁଠି ଖେଳାଯିବ ମ୍ୟାଚ୍?
ଭାରତ-ପାକିସ୍ତାନ ମଧ୍ୟରେ ମହାମୁକାବିଲା ମେଲବୋର୍ନରେ ଖେଳାଯିବ। ପ୍ରାୟ ଏକ ଲକ୍ଷ ଦର୍ଶକଙ୍କ ସାମ୍ନାରେ ଉଭୟ ଟିମ୍ ମୁହାଁମୁହିଁ ହେବେ।
କେଉଁଠାରେ ଦେଖିପାରିବେ?
ମ୍ୟାଚ୍ର ପ୍ରସାରଣ ଷ୍ଟାର ନେଟ୍ଓ୍ବାର୍କରେ ହେବ। ଡିଜିଟାଲରେ ଡିଜ୍ନୀ ପ୍ଲସ୍ ହଟ୍ଷ୍ଟାରରେ ଏହାର ପ୍ରସାରଣ ହେବ।