ବ୍ରାହ୍ମଣୀ ନଦୀରେ ବାରମ୍ବାର ଭୁଶୁଡୁଛି ସ୍ପର

ପଟ୍ଟାମୁଣ୍ଡାଇ, ୨୭ା୧୦(ସ୍ବ.ପ୍ର.): କେନ୍ଦ୍ରାପଡ଼ା ଜିଲା ପଟ୍ଟାମୁଣ୍ଡାଇ ଜଳ ସମ୍ପଦ ବିଭାଗ ପକ୍ଷରୁ ବ୍ରାହ୍ମଣୀ ନଦୀର ପାଳପାଟଣା, କଦମ୍ବଦାଣ୍ଡି ଓ ଉତିକୋଣ ଘେରି ବନ୍ଧ ହୋଇଥିବା ପଥର ପ୍ୟାକିଂ କାମ ନିମ୍ନମାନର ହୋଇଥିବା ଅଭିଯୋଗ ହେଉଛି। କେଉଁଠି କାମ ଅଧାପନ୍ତିରିଆ ହୋଇ ବିଲ୍‌ ଉଠା ଯାଇଛି ତ ଆଉ କେଉଁଠାରେ ନିର୍ମାଣ ହୋଇଥିବା ସ୍ପର ବାରମ୍ବାର ଭୁଶୁଡି ପଥର ଖସି ନଦୀ ଗର୍ଭକୁ ଚାଲିଗଲାଣି। ଏ ନେଇ ସାମାଜିକ କର୍ମୀ, ବୁଦ୍ଧିଜୀବୀ, ସ୍ଥାନିୟ ବାସିନ୍ଦା ଅଭିଯୋଗ କଲେ ବିଭାଗୀୟ କନିଷ୍ଠ ଯନ୍ତ୍ରୀ ମନୋରଞ୍ଜନ ସାହୁଙ୍କ ଉତ୍ତର ସମସ୍ତଙ୍କୁ ଆଶ୍ଚର୍ଯ୍ୟ କରୁଛି। ସେ କହୁଛନ୍ତି, ପଥର ପ୍ୟାକିଂ ଭାଙ୍ଗି ନଦୀ ଭିତରକୁ ଯାଇଛି ଅନ୍ୟ କେହି ନେଇ ଯାଇନାହାନ୍ତି। ଅନ୍ୟ ଡିପାଟମେଣ୍ଟ କାମ ଅଧିକରୁ ଅଧିକ ଅଧାପନ୍ତିରିଆ ହୋଇପଡ଼ିଛି। ଲୋକମାନେ କାହିଁ ଅଭିଯୋଗ କରୁନାହାନ୍ତି। ଅଭିଯୋଗ କାହିଁକି କରୁଛନ୍ତି ବୋଲି ପ୍ରଶ୍ନ କରିଛନ୍ତି।

ସାମାଜିକ କର୍ମୀ ଉତ୍ତମ ଖୁଣ୍ଟିଆ କୁହନ୍ତି, ପଟ୍ଟାମୁଣ୍ଡାଇ ଅଞ୍ଚଳ ଦେଇ ପ୍ରବାହିତ ବ୍ରାହ୍ମଣୀ ନଦୀର ପ୍ରଖର ସ୍ରୋତରେ ପ୍ରତିବର୍ଷ କୂଳରୁ ଅତଡା ଖାଉଛି। ଉତିକଣ ଭେଡାର ସୁରକ୍ଷା ପାଇଁ ନାବାର୍ଡ ଅନୁଦାନରେ ୨୦୧୮ରେ ଅଳଭାଠାରୁ ମଦନପୁର ପର୍ଯ୍ୟନ୍ତ ୧୩ କୋଟି ୧୫ ଲକ୍ଷ ୬୨ ହଜାର ଟଙ୍କା ବ୍ୟୟ ଅଟକଳରେ ଅକ୍ଟୋବର ୧୫ରେ ଆଡିବନ୍ଧ ଓ ପଥର ପ୍ୟାକିଂ କାର୍ଯ୍ୟ ଆରମ୍ଭ ହୋଇଥିଲା। ୨୦୨୦ ଏପ୍ରିଲ ୧୪ରେ କାମ ଶେଷ ହେବାକୁ ଚୁକ୍ତି ସ୍ବାକ୍ଷରିତ ହୋଇଥିବା ବେଳେ ଏହା ୨୦୨୧ ଶେଷ ପର୍ଯ୍ୟନ୍ତ ଲାଗିଥିଲା। ବନ୍ଧ ପାଶର୍‌ବରେ ୪୦ରୁ ୫୦ କିଗ୍ରା ପଥର ପ୍ୟାକିଂରେ ବ୍ୟବହାର କରିବାକୁ ଚୁକ୍ତି ହୋଇଥିଲା। ମାତ୍ର ପ୍ୟାକିଂରେ ୫ରୁ ୧୦ କିଗ୍ରା ପଥର ବ୍ୟବହାର କରାଯାଇଥିଲା। ଫଳରେ ଚଳିତବର୍ଷ ବନ୍ୟାର ପ୍ରଖର ସ୍ରୋତରେ ପଥର ପ୍ୟାକିଂ କେତେକ ସ୍ଥାନରେ ଭାଙ୍ଗି ଯାଇଥିବା ବେଳେ ବହୁ ସ୍ଥାନ ବାଲିରେ ପୋତି ହୋଇପଡିଛି। ଏବେ ଏହି ରାସ୍ତା ପ୍ରଶସ୍ତୀକରଣ କାର୍ଯ୍ୟ ପୂର୍ତ୍ତ ବିଭାଗ କରୁଛି। ଅଡିବନ୍ଧ ମାଟି ହାଣି ନେଉଥିବା ଅଭିଯୋଗ ପରେ ମଧ୍ୟ ଜଳସମ୍ପଦ ବିଭାଗ କୌଣସି ପଦକ୍ଷେପ ନେଉନାହିଁ। ଜିଲା କଂଗ୍ରେସ ଦଳିତ ସେଲ୍‌ ଅଧ୍ୟକ୍ଷ ସର୍ବେଶ୍ୱର ସେଠୀ କହିଛନ୍ତି, ବ୍ରାହ୍ମଣୀ ନଦୀ କୂଳରେ ଥିବା ଶ୍ରୀରାମପୁରର, ପାଳପାଟଣା, କଦମ୍ବଦାଣ୍ଡୀ ଉପାନ୍ତ ଗ୍ରାମ। ବର୍ଷା ଆଉ ବନ୍ୟା ସହ ଯୁଝୁଥିବା ଏହି ଗ୍ରାମଗୁଡିକର ଲୋକ ପିଢି ପରେ ପିଢି ସମସ୍ୟାରେ ଘାଣ୍ଟି ହୋଇ ଆସୁଛନ୍ତି। ନଦୀକୂଳିଆ ଗଁା ହୋଇଥିବାରୁ ବନ୍ୟା ଆସିଲେ ଏମାନଙ୍କ ଚିନ୍ତା ବଢେ। ଏହି ଗ୍ରାମଗୁଡିକ ସୁରକ୍ଷା ପାଇଁ ପ୍ରଥମେ ପାଳପାଟଣା ଗ୍ରାମ ନିକଟ ବ୍ରାହ୍ମଣୀ କୂଳରେ ୨୦୧୯ ଜାନୁୟାରୀ ୧୬ରେ ନାବାର୍ଡ ପକ୍ଷରୁ ୧୭ କୋଟି ୮୩ ଲକ୍ଷ ୩୪ ହଜାରେ ଟଙ୍କା ବ୍ୟୟ ଅଟକଳରେ ପଥର ପ୍ୟାକିଂ ଓ ସ୍ପର କାର୍ଯ୍ୟ ନିର୍ମାଣ ହୋଇଥିଲା। ଏହି କାର୍ଯ୍ୟ ୨୦୨୦ ଜୁଲାଇ ୧୫ରେ ଶେଷ ହେବାକୁ ଚୁକ୍ତି ସ୍ବାକ୍ଷରିତ ହୋଇଥିଲା। ମାତ୍ର ଠିକାଦାର କାର୍ଯ୍ୟ କରିବାରେ ଅବହେଳା ଓ ବିଳମ୍ବ ଯୋଗୁ ୨୦୨୨ ସୁଦ୍ଧା ମାତ୍ର ୮୦ ଭାଗ କାମ ହୋଇ ପାରିଛି। ନଦୀରେ ବଡ଼ବନ୍ୟା ଆସିବା ଫଳରେ ବ୍ରାହ୍ମଣୀ ନଦୀ କୂଳ ଉପରେ ୬ ଫୁଟ ଉଚ୍ଚର ପ୍ରଖର ସ୍ରୋତରେ ୪୦ ଭାଗ ପଥର ପ୍ୟାକିଂ କେତେକ ସ୍ଥାନରେ ଭାଙ୍ଗି ଯାଇଥିବା ବେଳେ ବହୁ ସ୍ଥାନ ବାଲିରେ ପୋତି ହୋଇପଡିଛି। ନିର୍ମିତ ୧୩ ଗୋଟି ସ୍ପର ମଧ୍ୟରୁ ୬ଟି ସ୍ପର ଭାଙ୍ଗିଯିବା ସହ ଦବି ଯାଇଛି। ତେବେ ଭାଙ୍ଗି ଦବି ଯାଇଥିବା ୬ଟି ସ୍ପର ପଥର ପ୍ୟାକିଂ ପୁନର୍ବାର କରିବାକୁ ସ୍ଥାନୀୟ ଲୋକ ବିଭାଗୀୟ ଯନ୍ତ୍ରୀଙ୍କୁ ଦାବି କରୁଛନ୍ତି। ସେହିପରି ୧୦ ଖଣ୍ଡ ଗଁାକୁ ରକ୍ଷା କରିବାକୁ ଜଳସମ୍ପଦ ବିଭାଗ କଦମ୍ବଦାଣ୍ଡି ସ୍ପର ଓ ପଥର ପ୍ୟାକିଂ କାର୍ଯ୍ୟ ଆରମ୍ଭ ହୋଇଥିବା ବେଳେ ସେଠାରେ ଗ୍ରାନାଇଟ ପଥର ପରିବର୍ତ୍ତେ ମାଙ୍କଡା ବ୍ୟବହାର କରାଯାଉଛି। ଖାଲି ସେତିକି ନୁହେଁ, କାମ ବି ଅତ୍ୟନ୍ତ ନିମ୍ନମାନର ହେଉଛି। ପଥର ଉପରେ ପଥର ପକେଇ କାମ ସାରି ଦିଆଯାଉଛି। ବିଭାଗୀୟ ଅଧିକାରୀ ଉପସ୍ଥିତ ନ ରହିବାରୁ କାମ ନିମ୍ନମାନର ହୋଇଥିବା ଲୋକେ ଅଭିଯୋଗ କରିଛନ୍ତି। ଏ ନେଇ ଗ୍ରାମବାସୀ ଜଳସମ୍ପଦ ବିଭାଗ ଅଫିସରେ ବାରମ୍ବାର ଅଭିଯୋଗ କରିଆସୁଛନ୍ତି। ହେଲେ ବିଭାଗୀୟ ଅଧିକାରୀ ଏଥିପ୍ରତି ଦୃଷ୍ଟି ଦେଉନାହାନ୍ତି। ଏ ନେଇ ସ୍ଥାନୀୟ ବାସିନ୍ଦା ନିରଞ୍ଜନ ପାତ୍ର, ଉତ୍ସବ ବିଶ୍ୱାଳ, ଚକ୍ରଧର ସ୍ବାଇଁ, ପୀତାମ୍ବର ବାରିକ, ଧବଳ ଚରଣ ନାୟକ, ଦଶରଥ ରାଉତରାୟ, ନିମାଇ ଚରଣ ଦାସ, ପ୍ରବୀର ବାରିକ, ନିତ୍ୟାନନ୍ଦ ରାଉତ, ସତ୍ୟବାନ ରାଉତ, ଆକୁଳି ମଲ୍ଲିକ ପ୍ରମୁଖ କହିଛନ୍ତି, ୬ ମାସ ଭିତରେ ଭୁଶୁଡ଼ି ଗଲା ପଥର ପ୍ୟାକିଂ। ତେଣୁ କେତେ ନିମ୍ନମାନର କାମ ହୋଇଛି ତାହା ସ୍ପଷ୍ଟ ଜଣାପଡୁଛି। ତେଣୁ ତୁରନ୍ତ ପୁଣି ଥରେ ଏହାର ମରାମତି କରାଯାଉ। ଏ ସମ୍ପର୍କରେ ବିଭାଗୀୟ ଅଧୀକ୍ଷଣ ଯନ୍ତ୍ରୀ ଉମେଶ ଚନ୍ଦ୍ର ସେଠୀଙ୍କୁ ପଚାରିବାରେ ସେହି ସ୍ଥାନକୁ ଯାଇ କାମ ଦେଖିବେ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ସିମନବାଡ଼ି ଅଞ୍ଚଳରେ ବଢୁଛି ଦେଶୀ-ବିଦେଶୀ ମଦ ବିକ୍ରି, ଅବକାରୀ ବିଭାଗର ନିଦ ଭାଙ୍ଗୁନି

ଦାରିଙ୍ଗବାଡ଼ି,୧୮ା୧୦(ଅରୁଣ ସାହୁ) : କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ସିମନବାଡ଼ି ଅଞ୍ଚଳରେ ଚୋରା ଦେଶୀ ମଦ ଓ ନକଲି ବିଦେଶୀ ମଦ ବିକ୍ରି ଅଭିଯୋଗ ହୋଇଛି।...

ଧରାପୃଷ୍ଠକୁ ଆସି ଆଇନ ଜାଲରେ ଛନ୍ଦି ହେଲେ ମା’ ଦୁର୍ଗା, ହୋଇପାରୁନି ବିସର୍ଜନ

ଭୁବନେଶ୍ୱର, ୧୮ା୧୦: ଧରାପୃଷ୍ଠକୁ ଆସି ଆଇନ ଜାଲରେ ଛନ୍ଦି ହେଲେ ମା’ ଦୁର୍ଗା। ଜାଗା ବିବାଦ ପାଇଁ ଦଶହରା ପରେ ବି ହୋଇନାହାଁନ୍ତି ବିସର୍ଜିତ। ଏଭଳି...

୪ ଜମି ଅଧିଗ୍ରହଣ ଅଧିକାରୀ ନିଲମ୍ବିତ

ଯାଜପୁର,୧୮ା୧୦(ହର୍ଷବର୍ଦ୍ଧନ ବେହେରା): ରାଜ୍ୟର ଦ୍ୱିତୀୟ ସର୍ବବୃହତ୍‌ ବ୍ରାହ୍ମଣୀ ନଦୀ ଉପରେ ନିର୍ମିତ ରେଙ୍ଗାଲି ବହୁମୁଖୀ ଯୋଜନା ଦ୍ୱାରା ଯାଜପୁର ଜିଲାର ୪୬,୬୦୦ ହେକ୍ଟର ଜମିରେ ଜଳସେଚନ...

ହୋଇ ନ ଥିବା ପ୍ରକଳ୍ପ କାମ ଶୀଘ୍ର ଆରମ୍ଭ କର

ଭବାନୀପାଟଣା,୧୭ା୧୦(ଉତ୍ତମ କୁମାର ଦାଶ): କଳାହାଣ୍ଡି ଜିଲା ଭବାନୀପାଟଣାସ୍ଥିତ ଜିଲାପାଳଙ୍କ ସଦ୍‌ଭାବନା ସଭାଗୃହରେ ଗୁରୁବାର ପଞ୍ଚାୟତିରାଜ ଓ ପାନୀୟ ଜ ବିଭାଗର ପ୍ରମୁଖ ଶାସନ ସଚିବ ସୁଶୀଲ...

୨୦ରୁ ଊର୍ଦ୍ଧ୍ୱ ଟ୍ରେନ ବାତିଲ

ରାଉରକେଲା,୧୭।୧୦(ସଙ୍ଗୀତା ଜେନା): ଦକ୍ଷିଣ ପୂର୍ବ ରେଳବାଇ ପକ୍ଷରୁ ମରାମତି ଓ ଅନ୍ୟ କାର୍ଯ୍ୟ ପାଇଁ ଗୁରୁବାର ଏବଂ ଶୁକ୍ରବାର ୨ ଦିନ ଧରି ୨୦ରୁ ଊର୍ଦ୍ଧ୍ୱ...

ଅକ୍ଟୋବର ୨୧, ୨୮ରେ ହେବ ମୁଖ୍ୟମନ୍ତ୍ରୀଙ୍କ ଅଭିଯୋଗ ଶୁଣାଣି: କରିବାକୁ ହେବ ଆଗୁଆ ପଞ୍ଜୀକରଣ

ଭୁବେନେଶ୍ୱର,୧୭।୧୦: ଅକ୍ଟୋବର ୨୧ ଏବଂ ୨୮ରେ ଅନୁଷ୍ଠିତ ହେବ ମୁଖ୍ୟମନ୍ତ୍ରୀଙ୍କ ଜନ ଅଭିଯୋଗ ଶୁଣାଣି। ୧୮ତାରିଖ ପୂର୍ବାହ୍ନ ୧୧ରୁ ଆଗୁଆ ଅନ୍‌ଲାଇନ ପଞ୍ଜୀକରଣ ଆରମ୍ଭ ହେବ।...

କନ୍ୟା ସନ୍ତାନକୁ ଜନ୍ମ ଦେଲେ ଦଶମ ଶ୍ରେଣୀ ଛାତ୍ରୀ: ଅଭିଯୁକ୍ତ ଥାନାରେ ଅଟକ

ଥୁଆମୂଳ ରାମପୁର,୧୭।୧୦(ଦୁର୍ଗା କୀର୍ତ୍ତି): କଳାହାଣ୍ଡି ଜିଲା ଥୁଆମୂଳ ରାମପୁର ଥାନା ଅଞ୍ଚଳରୁ ଏକ ଅଭାବନୀୟ ଘଟଣା ସାମ୍‌ନାକୁ ଆସିଛି। ଜଣେ ଦଶମ ଶ୍ରେଣୀ ଛାତ୍ରୀ ମା’...

ସ୍ତ୍ରୀ, ଶାଶୁଙ୍କୁ ହତ୍ୟା କରି ଫିଙ୍ଗିଥିଲେ: ଖପୁରି ହାଡ଼ ଟାଣି ଖାଉଥିଲା କୁକୁର

ବାସୁଦେବପୁର,୧୭।୧୦(ନାରାୟଣ ପ୍ରସାଦ ବାରିକ୍‌):  ଭଦ୍ରକ ଜିଲା ବାସୁଦେବପୁର ବ୍ଲକ ଅଧୀନ ବାଲିମୁଣ୍ଡା ପଞ୍ଚାୟତର ପାଞ୍ଚଘେରିଆ ଗାଁରେ ଯୋର ନିକଟରୁ ଅଖା ବସ୍ତାରୁ ମଣିଷ ଖପୁରି ହାଡ଼...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri