ପୁଣେ,୨୯।୧୧ : ମହାରାଷ୍ଟ୍ରର ପୁଣେ ରେଳ ଷ୍ଟେଶନରୁ ବଡ ଖବର ଆସିଛି। ଚେନ୍ନାଇରୁ ପୁଣେକୁ ଆସୁଥିବା ଭାରତ ଗୌରବ ଟ୍ରେନର ୮୦ ଯାତ୍ରୀଙ୍କ ସ୍ବାସ୍ଥ୍ୟ ହଠାତ ଖରାପ ହୋଇଯାଇଛି। ଏଭଳି ପରିସ୍ଥିତିରେ ଟ୍ରେନ ପୁଣେରେ ପହଞ୍ଚିବା ମାତ୍ରେ ସମସ୍ତ ଯାତ୍ରୀଙ୍କ ଚିକିତ୍ସା କରାଯାଇଛି। ସୂଚନା ଅନୁଯାୟୀ, ବିଷାକ୍ତ ଖାଦ୍ୟ ଯୋଗୁ ଏଭଳି ହୋଇଥିବା ଆଶଙ୍କା କରାଯାଉଛି।
ଯାତ୍ରୀମାନେ ପୁଣେରେ ପହଞ୍ଚିବା ପରେ ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ବର୍ତ୍ତମାନ ସମସ୍ତ ଯାତ୍ରୀଙ୍କ ଅବସ୍ଥା ସ୍ଥିର ରହିଛି। ପୁଣେ ରେଳ ପ୍ରଶାସନ କହିଛି ଟ୍ରେନ ପୁଣେରେ ପହଞ୍ଚିବା ପରେ ଏକାସାଙ୍ଗରେ ୮୦ ଯାତ୍ରୀଙ୍କ ଅସୁସ୍ଥ ଥିବା ଜଣାପଡିଥିଲା। ଏହା ପରେ ତାଙ୍କୁ ଷ୍ଟେଶନରେ ପ୍ରାଥମିକ ଚିକିତ୍ସା ଦିଆଯାଇଥିଲା ଏବଂ ସସୁନ ହସ୍ପିଟାଲରେ ଭର୍ତ୍ତି କରାଯାଇଥିଲା। ବର୍ତ୍ତମାନ ଏଠାରେ ସମସ୍ତଙ୍କ ଅବସ୍ଥା ସ୍ଥିର ଥିବା କୁହାଯାଉଛି। ପ୍ରାରମ୍ଭିକ ସୂଚନା ଅନୁଯାୟୀ, ଟ୍ରେନରେ ଥିବା କିଛି ଯୁବକ ସେମାନଙ୍କୁ ବିଷାକ୍ତ ଖାଦ୍ୟ ଦେଇଥିବା କୁହାଯାଉଛି। ବର୍ତ୍ତମାନ ରେଳବାଇ ଏହାର ଅନୁସନ୍ଧାନ କରୁଛି।
Bharat Gaurav Train Food Poisoning: 40 Passengers Fall Sick After Eating Food on Chennai-Pune Train (Watch Video)#BharatGauravTrain #FoodPoisoning #ChennaiPuneTrain #ViralVideo #Chennai #Punehttps://t.co/0Y63ZBmPVL
— LatestLY (@latestly) November 29, 2023
