ନୂଆଦିଲ୍ଲୀ,୬।୧୨: ଶ୍ମଶାନ। ଯେଉଁଠି ମୃତ ବ୍ୟକ୍ତିଙ୍କ ମର ଶରୀରକୁ ସମାଧି ଦିଆଯାଏ। କିନ୍ତୁ କେବେ ଶୁଣିଛନ୍ତି କି ସାଟେଲାଇଟଗୁଡକିର ମଧ୍ୟ ଶ୍ମଶାନ ଅଛି? ଦୁନିଆରେ ଏପରି ଏକ ସ୍ଥାନ ଅଛି ଯେଉଁଠାରେ ମୃତ ମଣିଷ ନୁହଁନ୍ତି ବରଂ ସାଟେଲାଇଟଙ୍କୁ ସମାଧି ଦିଆଯାଇଛି। ଏହି ସାଟେଲାଇଟଗୁଡିକ ମହାକାଶରେ ଘୁରି ବୁଲି ସେମାନଙ୍କ କାର୍ଯ୍ୟକାଳ ସମାପ୍ତ କରିବା ପରେ ସେମାନଙ୍କୁ ଏହି କବରସ୍ଥାନରେ ଫିଙ୍ଗି ଦିଆଯାଏ।
ପ୍ରଶାନ୍ତ ମହାସାଗରସ୍ଥିତ ପଏଣ୍ଟ ନେମୋକୁ ସାଟେଲାଇଟଗୁଡିକର ସମାଧି ସ୍ଥଳ କୁହାଯାଏ। ସମୁଦ୍ର ପାର ହୋଇ ଏହି ସ୍ଥାନକୁ ପହଞ୍ଚିବା ପାଇଁ ଅନେକ ଦିନ ଲାଗିଯାଏ। କୁହାଯାଏ ଯେ ଏହି ଅଞ୍ଚଳରେ ଅନେକ ଛୋଟ ଦ୍ୱୀପ ଅଛି, ଯେଉଁଠାରେ ପକ୍ଷୀମାନଙ୍କ ବ୍ୟତୀତ ଅନ୍ୟ କୌଣସି ପ୍ରାଣୀ ବାସ କରନ୍ତି ନାହିଁ ।
ଜୀବ ବିଜ୍ଞାନ ଅନୁଯାୟୀ, ସମୁଦ୍ର ଜଳ ଦ୍ୱାରା ଘେରି ରହିଥିବା ଏହି ଅଞ୍ଚଳ ଇଷ୍ଟର ଦ୍ୱୀପର ଦକ୍ଷିଣରେ ଏବଂ ଆଣ୍ଟାର୍କଟିକାର ଉତ୍ତରରେ ଅବସ୍ଥିତ। ଏହି ଅଞ୍ଚଳ ସମୁଦ୍ର ଭିତରେ ୧୩ହଜାର ଫୁଟରୁ ଅଧିକ ଗଭୀରତାରେ ବୁଡ଼ି ରହିଛି। ମଣିଷ ପାଇଁ ଅପହଞ୍ଚ ଇଲାକା କୁହାଯାଉଥିବା ଏହି ଅଞ୍ଚଳକୁ ‘ପୋଲ ଅଫ ଆସେସିବିଲିଟି’ ମଧ୍ୟ କୁହାଯାଏ।
ରିପୋର୍ଟ ଅନୁଯାୟୀ, ୭୦ ଦଶକରୁ ପଏଣ୍ଟ ନେମୋରେ ୩୦୦ରୁ ଅଧିକ ସାଟେଲାଇଟ ଓ ସ୍ପେଶ ଷ୍ଟେଶନ ଜଳମଗ୍ନ ହୋଇଛି। ବିଭିନ୍ନ ଦେଶର ସାଟେଲାଇଟ ଏହି ଅଞ୍ଚରେ ହିଁ ସମାଧି ଦିଆଯାଇଛି। ଏଥିରେ ଆଗକୁ ଇଣ୍ଟରନାଶନାଲ ସ୍ପେଶ ଷ୍ଟେଶନ(ISS)ର ମଧ୍ୟ ସମାଧି ଦିଆଯିବ ବୋଲି ନିକଟରେ ଆମେରିକାର ସ୍ପେଶ ଏଜେନ୍ସି ନାସା ଘୋଷଣା କରିଛ।
ଗତ ୨୫ ବର୍ଷ ଧରି ଆଇଏସଏସ ମହାକାଶରେ ଅଛି। ଯାହା ୨୦୩୧ ସୁଦ୍ଧା ଆନୁଷ୍ଠାନିକ ଭାବରେ ବନ୍ଦ ହୋଇଯିବ। ୩୫୭ ଫୁଟ ଲମ୍ବ ଏବଂ ୪ଲକ୍ଷ ୧୯ହଜାର ୭୨୫ କିଲୋଗ୍ରାମ ଓଜନ, ଏହା ସ୍ପେଶ ଷ୍ଟେସନ ପଏଣ୍ଟ ନେମୋକୁ ଏଠାରେ ସମାଧି ଦିଆଯିବା ପରେ ଏହା ସର୍ବ ବୃହତ ମହାକାଶ ଉପକରଣ ହେବ।
