ବମ୍ବେ: ବଲିଉଡର ହିଟ୍ ଯୋଡ଼ିମାନଙ୍କ ମଧ୍ୟରୁ ଖିଲାଡି କିଙ୍ଗ୍ ଅକ୍ଷୟ କୁମାର ଏବଂ ଅଭିନେତ୍ରୀ ଟ୍ବିଙ୍କିଲ୍ ଖାନ୍ନାଙ୍କ ଯୋଡ଼ି ଅନ୍ୟତମ। ଏବେ ସଫଳ ଦାମ୍ପତ୍ୟ ଜୀବନ ଜିଉଁଥିବା ଅକ୍ଷୟ କିନ୍ତୁ ଯୁବାବସ୍ଥାରେ ଚପଳ ଥିଲେ। ବିବାହିତ ଥିବା ସତ୍ତ୍ୱେ ନାୟିକାମାନଙ୍କ ପ୍ରେମରେ ପଡ଼ିଯାଉଥିଲେ। ଅନେକ ନାୟିକାଙ୍କ ସହ ତାଙ୍କର ପ୍ରେମସମ୍ପର୍କ ଚର୍ଚ୍ଚାରେ ରହୁଥିଲା। ସେଥିରୁ ଜଣେ ଥିଲେ ପ୍ରିୟଙ୍କା ଚୋପ୍ରା।
ଦିନ ଥିଲା ପ୍ରିୟଙ୍କାଙ୍କ ଯୋଗୁ ଅକ୍ଷୟ-ଟ୍ବିଙ୍କିଲଙ୍କ ମଧ୍ୟରେ ଫାଟ ସୃଷ୍ଟି ହୋଇଥିଲା। ପ୍ରିୟଙ୍କାଙ୍କ ସହ ବଢ଼ିଚାଲିଥିବା ସମ୍ପର୍କ ଟ୍ବିଙ୍କିଲଙ୍କ ମୁଣ୍ଡବିନ୍ଧାର କାରଣ ପାଲଟିଥିଲା। ଏହାକୁ ନେଇ ଘରେ ବଚସା ହୋଇଥିଲା। ସ୍ବାମୀ ଅକ୍ଷୟଙ୍କୁ ସେ ଚେତାଇ ମଧ୍ୟ ଦେଇଥିଲେ। ହେଲେ ସେସବୁର ଅକ୍ଷୟଙ୍କ ଉପରେ ପ୍ରଭାବ ପଡ଼ି ନ ଥିଲା। ଦୁହେଁ ଲଗାତର ଭାବେ ଫିଲ୍ମ କରୁଥିଲେ।
ଫିଲ୍ମ ‘ଅଜନବୀ’ରୁ ଅକ୍ଷୟ-ପ୍ରିୟଙ୍କା ପ୍ରେମ ସମ୍ପର୍କ ଆରମ୍ଭ ହୋଇଥିଲା। ପରେ ଏହା ବଢ଼ି ଚାଲିଥିଲା। ଫିଲ୍ମ ‘ବକ୍ତ’ ସମୟରେ ଟ୍ବିଙ୍କିଲ ବେଶ ରାଗି ଯାଇଥିଲେ। ଏପରିକି ସେ ଶୁଟିଂ ସେଟ୍ରେ ପ୍ରିୟଙ୍କାଙ୍କୁ ଚାପୁଡ଼ା ମାରିବାକୁ ପହଞ୍ଚି ଯାଇଥିଲେ। ହେଲେ ସେତେବେଳେ ଅଭିନେତ୍ରୀ ଆସି ନ ଥିବାରୁ ଝଗଡ଼ା ହୋଇପାରି ନ ଥିଲା। ମାତ୍ର ଅକ୍ଷୟ ଉକ୍ତଦିନ ପ୍ରିୟଙ୍କାଙ୍କଠାରୁ ଦୂରେଇ ଯିବାକୁ ନିଷ୍ପତ୍ତି ନେଇଥିଲେ। ତାହା ହିଁ ହୋଇଥିଲା।
