![](https://www.dharitri.com/wp-content/uploads/2024/04/3c715d0d-2326-49f9-9867-64fcbf0284d2.jpg)
ନିରାକାରପୁର,୨୭ା୪(ମାନସ ଚନ୍ଦ୍ର ପଟ୍ଟନାୟକ): ବହୁ ପ୍ରତୀକ୍ଷାର ଅନ୍ତ ଘଟିଛି। ଶନିବାର ଅପରାହ୍ନରେ ଖୋର୍ଦ୍ଧା ନିର୍ବାଚନ ମଣ୍ଡଳୀ ପାଇଁ ଭାଜପା ପ୍ରଶାନ୍ତ କୁମାର ଜଗଦେବଙ୍କୁ ପ୍ରାର୍ଥୀ କରିଥିବା ବେଳେ ବିଜେଡି ରାଜେନ୍ଦ୍ର କୁମାର ସାହୁଙ୍କୁ ଦଳୀୟ ଟିକେଟ୍ ଦେଇଥିବା ଘୋଷଣା କରିବା ପରେ ଉଭୟ ଦଳର ଶୁଭେଚ୍ଛୁ ଓ ଦଳୀୟକର୍ମୀଙ୍କ ମଧ୍ୟରେ ଉତ୍ସାହ ପରିଲକ୍ଷିତ ହୋଇଛି। ଏପରିକି ଆତସବାଜି ଶବ୍ଦରେ ନିରାକାରପୁର ଅଞ୍ଚଳ କମ୍ପି ଉଠିଥିଲା। ନିର୍ବାଚନ ମଣ୍ଡଳୀର ଅନେକ ପଞ୍ଚାୟତରେ ଏଭଳି ପରିବେଶ ସୃଷ୍ଟି ହୋଇଥିବା ଦେଖିବାକୁ ମିଳିଥିଲା।