ନୂଆଦିଲ୍ଲୀ, ୯ା୬: ପାକିସ୍ତାନ ସହିତ ଏବେ ଚଇନା ହାତ ମିଶାଇ ଭାରତ ବିରୋଧୀ କାର୍ଯ୍ୟପାଇଁ ପ୍ରସ୍ତୁତ ହେଉଛି। ଦକ୍ଷିଣ ଏସିଆରେ ଶନିବାର ଦୁଇ ଦେଶ କଶ୍ମୀରକୁ ନେଇ ଥିବା ସମସ୍ୟାର ଏକତରଫା ସମାଧାନକୁ ବିରୋଧ କରିବା ନେଇ ନିଷ୍ପତ୍ତି ନେଇଥିବା ଜଣାପଡ଼ିଛି। ଚଇନା ନେତୃତ଼୍ବଙ୍କୁ ପାକିସ୍ତାନ ପ୍ରଧାନମନ୍ତ୍ରୀ ଶହବାଜ ଶରିଫ୍ କଶ୍ମୀର ସ୍ଥିତି ସମ୍ପର୍କରେ ସେମାନଙ୍କୁ ଅବଗତ କରାଇଛନ୍ତି । ଏହାଛଡ଼ା ଦୁଇ ଦେଶ ମଧ୍ୟରେ ସେନା ସମ୍ପର୍କକୁ ଆହୁରି ମଜବୁତ କରିବା ପାଇଁ ଚର୍ଚ୍ଚା ହୋଇଥିବା ଜଣାପଡ଼ିଛି ।
ସରିଫ୍ଙ୍କ ୪ ଦିନିଆ ଚଇନା ଗସ୍ତ ଆଜି ସରିଛି । ମାର୍ଚ୍ଚରେ ପୁନର୍ବାର ପ୍ରଧାନମନ୍ତ୍ରୀ ହେବା ପରେ ସରିଫ୍ଙ୍କର ଇଏ ପ୍ରଥମ ଚଇନା ଗସ୍ତ। ଏହି ଗସ୍ତ ସମୟରେ ସରିଫ୍ ଚଇନାର ନିବେଶ ଏବଂ ସହାୟତା ଉପରେ ନଜର ରଖିଥିଲେ । ପାକିସ୍ତାନକୁ କିପରି ଚଇନା ଅଧିକ ସହାୟତା ଦେଇ ପାରିବ ସେ ନେଇ ବିଚାର ବିମର୍ଷ କରିଥିଲେ । ବର୍ତ୍ତମାନ ଅର୍ଥିକ ସଙ୍କଟର ସାମ୍ନା କରୁଥିବା ପାକିସ୍ତାନର ସ୍ଥିତି ସୁଧାରିବାକୁ ସରିଫ୍ ଚଇନା ଆଗରେ ଏକ ପ୍ରକାର ବୁଝାମଣା କରିଥିବା ଜଣାପଡ଼ିଛି।
