ଖଇରା/ସୋର, ୨୦ା୧(ଡି.ଏନ.ଏ.):ବାଲେଶ୍ୱର ଜିଲା ଖଇରା ଥାନା ଗଗନଧୂଳି ପଞ୍ଚାୟତ ଅଧୀନ ପାଣିସିଆଳି ଗ୍ରାମର ଜଣେ ୪ମାସ ଶିଶୁପୁତ୍ରକୁ ହତ୍ୟା କରି ବିଲ ମଝିକୁ ଫିଙ୍ଗି ଦିଆଯାଇଛି। ଶିଶୁଟିର କ୍ଷତବିକ୍ଷତ ମୃତଦେହ ଗୁରୁବାର ସନ୍ଧ୍ୟାରେ ମିଳିବା ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି ହୋଇଛି। ପୋଲିସ ମୃତଦେହ ଜବତ କରି ଖୋଳତାଡ କରୁଥିବା ବେଳେ ଶିଶୁର ମା’ ଗୌରୀ ବାସ୍କିଆ ଏନେଇ ଖଇରା ଥାନାରେ ସଙ୍ଗୀନ ଅଭିଯୋଗ କରିଛନ୍ତି ା
ଅଭିଯୋଗ ଅନୁଯାୟୀ ଗୌରୀଙ୍କ ଶାଶୁ ଘର ବାଘମରା ଗ୍ରାମରେ। ସେ କିଛି ବର୍ଷଧରି ସୋର ଥାନା ଅଧୀନ ଆଟପୁର ଗ୍ରାମସ୍ଥିତ ବାପଘରେ ରହୁଥିଲେ। ଶନିବାରଠାରୁ ତାଙ୍କ ୪ମାସର ପୁଅ ନିଖୋଜ ଥିଲେ। ତାଙ୍କ ଜମିବାଡି ହଡପ କରିବାକୁ ଚାହଁୁଥିବା ୩ ବ୍ୟକ୍ତି ଟିଲୁ ବାସ୍କିଆ, ଅମର ମହାନ୍ତି, ଟୁନା ମୁର୍ମୁ ଏହି ହତ୍ୟାକାଣ୍ଡ ଘଟାଇଥିବା ସେ ଅଭିଯୋଗରେ ଦର୍ଶାଇଛନ୍ତି। ଏଥିରେ ତାଙ୍କ ଦିଅର ଦୁଲାରାମ ବାସ୍କିଆ ମୁଖ୍ୟ ସୁତ୍ରଧର ବୋଲି ଅଭିଯୋଗରେ ଉଲ୍ଲେଖ କରାଯାଇଛି। ଏନେଇ ଖଇରା ପୋଲିସ ତଦନ୍ତ ଚଳାଇଛି।
