ଲକ୍ଷ୍ନୌ,୨୪।୧: ଉତ୍ତରପ୍ରଦେଶର ଆମରୋହାଠାରେ ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି। ଏଠାରେ ମୋବାଇଲ ଫୋନ ଦେଖିବାବେଳେ ଜଣେ ୫ ବର୍ଷର ଝିଅର ମୃତ୍ୟୁ ଘଟିଛି। ନାବାଳିକାଙ୍କ ମୃତ୍ୟୁକୁ ହୃଦଘାତ ବୋଲି ଡାକ୍ତର ଘୋଷଣା କରିଛନ୍ତି। ଝିଅର ମୃତ୍ୟୁୁ ହେତୁ ପରିବାରରେ ଶୋକର ବାତାବରଣ ରହିଛି। ହୋଇଥିଲା। କୌଣସି ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ ନ କରି ପରିବାର ଝିଅର ଶବଦାହ କରିଥିଲେ।
ନାବାଳିକାଙ୍କ ମୃତ୍ୟୁ ମାମଲା ଜିଲାର ହାସନପୁର କୋଟୱାଲି ଅଞ୍ଚଳର ହାଥିଆଖେଡା ଗାଁର। ଗାଁର ମହେଶ ଖଡ଼ଗବନ୍ସିଙ୍କ ପାଞ୍ଚ ବର୍ଷର ଝିଅ କାମିନୀଙ୍କ ଜନ୍ମଦିନ ୩୦ ଜାନୁଆରୀରେ ହୋଇଥିଲା। ସେ ତାଙ୍କ ମାତାପିତାଙ୍କ ଏକମାତ୍ର ଝିଅ ଥିଲେ। ମୃତ୍ୟୁ କାରଣରୁ ମା’ଙ୍କ ଅବସ୍ଥା ଭଲ ନାହିଁ। ଝିଅଟିର ହଠାତ୍ ମୃତ୍ୟୁକୁ ନେଇ ଗାଁର ଲୋକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି।
କାମିନୀଙ୍କ ପିତା ମହେଶ କହିଛନ୍ତି ଯେ, ଶୁକ୍ରବାର ରାତିରେ ତାଙ୍କ ଝିଅ ରାତ୍ରୀ ଭୋଜନ କରିଥିଲେ ଏବଂ ତାଙ୍କ ମା’ ସୋନିଆଙ୍କ ସହ ଶେଯରେ ବସିଥିଲେ। ସେ ସୋନିଆଙ୍କ ମୋବାଇଲରେ କାର୍ଟୁନ ଦେଖୁଥିଲେ। ହଠାତ୍ ମୋବାଇଲ ଫୋନ କାମିନୀଙ୍କ ହାତରୁ ଖସିପଡିଲା ଏବଂ ସେ ଚେତାଶୂନ୍ୟ ହୋଇଗଲା। ମା’ ଭାବିଥିଲେ ଯେ ସେ ଶୋଇପଡିଛନ୍ତି ଯେଉଁଥିପାଇଁ ସେ ମୋବାଇଲ ଫୋନ ପକାଇଦେଇଥିଲେ। ଯେତେବେଳେ ସୋନିଆ କାମିନୀଙ୍କୁ ଜାଗ୍ରତ କରିବାକୁ ଚେଷ୍ଟା କରିଥିଲେ କିନ୍ତୁ ସେ ଉଠି ନ ଥିଲେ। ଏହା ଦେଖି ସୋନିଆ ଭୟଭୀତ ହୋଇ ଚିତ୍କାର କରିବାକୁ ଲାଗିଲେ। ତାଙ୍କର ଚିତ୍କାର ଶୁଣି ପରିବାରର ଅନ୍ୟ ସଦସ୍ୟମାନେ ମଧ୍ୟ ଆସିଥିଲେ। ସେ ଶୀଘ୍ର କାମିନୀଙ୍କୁ ଡାକ୍ତରଙ୍କ ନିକଟକୁ ନେଇଗଲେ। ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
