
ଭଦ୍ରକ, ୧୫।୩(ସନାତନ ରାଉତ): ଭଦ୍ରକ ଜିଲାର ପୃଥକ ପୃଥକ ସ୍ଥାନରେ ଶୁକ୍ରବାର ରାତିରେ ଅଗ୍ନିକାଣ୍ଡ ଘଟି ୭ ବଖରା ଘର ଜଳି ଯାଇଛି l ରାତି ୮ ଟାରେ ଚରମ୍ପା ବରାଳପୋଖରୀ ଗ୍ରାମର ବୁଦ୍ଧିରାମ ମୁଣ୍ଡାଙ୍କର ୨ବଖରା ଘର ସହ ଆସବାବ ପତ୍ର ପୋଡିଯାଇଛି l ଭଦ୍ରକ ଅଗ୍ନିଶମ ବାହିନୀ ପହଞ୍ଚି ନିଆଁ ଲିଭାଇ ଥିବାବେଳେ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ଯାଇଛି। ସେହିପରି ବନ୍ତ ତହସିଲ ଅଧିନ ଆଡିଆ ଗ୍ରାମର ଦେବାଶିଷ ପଣ୍ଡାଙ୍କ ଘରେ ରାତି ପ୍ରାୟ ୧୨ଟା ବେଳେ ନିଆଁ ଲାଗି ୫ ବଖରା ଘର ପୋଡିଯାଇଛି l ଆଗରପଡାରୁ ବହୁ ବିଳମ୍ବରେ ଦମକଳ ପହଞ୍ଚିଥିଲା l ସେତେବେଳକୁ ସମ୍ପୂର୍ଣ ଘର ଜଳି ଯାଇଥିଲା।