ବେଙ୍ଗାଲୁରୁ, ୨୭।୬- ଭାରତରେ କରୋନା ଭାଇରସସ୍ଥିତି ଦିନକୁ ଦିନ ସଙ୍ଗୀନ ହେବାରେ ଲାଗିଛି। ଏହିଭଳି ଏକ ସମୟରେ ବେଙ୍ଗାଲୁରୁର ଜଣେ ୯୯ ବର୍ଷୀୟା ବୃଦ୍ଧା ପ୍ରାଣଘାତୀ କରୋନା ଭାଇରସ୍ ଯୁଦ୍ଧରେ ବିଜୟ ଲାଭ କରିବା ଖବର ଏବେ ଚର୍ଚ୍ଚାର ବିଷୟ ପାଲଟିଛି। ମାର୍ସିଲିନ୍ ସାଲ୍ଦାନହା ନାମକ ଜଣେ ବୃଦ୍ଧା ନିଜ ନାତି ସମ୍ପର୍କରେ ଆସି ଗତ ଜୁନ୍ ୧୮ରେ କରୋନା ଆକ୍ରାନ୍ତ ହୋଇଥିଲେ। ଯେଉଁଦିନ କି ତାଙ୍କ ୯୯ତମ ଜନ୍ମଦିନ ଥିଲା। ବୃଦ୍ଧା ଓ ତାଙ୍କ ନାତିଙ୍କ ସମେତ ୭୦ ବର୍ଷୀୟ ପୁଅ ଏବଂ ବୋହୁ ଉଭୟ ମଧ୍ୟ ଏହି ଭାଇରସ୍ ଦ୍ୱାରା ଆକ୍ରାନ୍ତ ହୋଇଥିଲେ। ଫଳରେ ସମସ୍ତଙ୍କୁ ଚିକିତ୍ସା ପାଇଁ ଭିକ୍ଟୋରିଆ ହସ୍ପିଟାଲରେ ଭର୍ତ୍ତି କରାଯାଇଥିଲା। ତେବେ ୯ ଦିନର ଚିକିତ୍ସା ପରେ ଏହି ବୃଦ୍ଧା ଓ ତାଙ୍କ ନାତି ସୁସ୍ଥ ହୋଇ ଘରକୁ ଫେରିଥିବା ଜଣାପଡ଼ିଛି। ଉଭୟଙ୍କ ଟେଷ୍ଟ ନେଭେଟିଭ ଆସିଛି। କରୋନାରୁ ସୁସ୍ଥ ହୋଇ ଆସିବା ପରେ ମାର୍ସିଲିନ୍ ରାଜ୍ୟର ସବୁଠାରୁ ବୟୋଜ୍ୟଷ୍ଠା ମହିଳା ହୋଇଛନ୍ତି।