ନୂଆଦିଲ୍ଲୀ,୧୧ା୩: ହେବାକୁ ଥିବା ଲୋକସଭା ନିର୍ବାଚନରେ ଛାଡପତ୍ର ଦେଇଥିବା ଦମ୍ପତି ମୁହାଁମୁହିଁ ହେବେ। ରବିବାର ତୃଣମୂଳ କଂଗ୍ରେସ(ଟିଏମସି) ପ୍ରାର୍ଥୀ ଘୋଷଣା ପରେ ଏହି ସମୀକରଣ ସୃଷ୍ଟି ହୋଇଛି। ସୁଜତା ମଣ୍ଡଳ ଟିଏମସି ଟିକେଟ୍ରୁ ତାଙ୍କ ପୂର୍ବତନ ସ୍ୱାମୀ ସୋମିତ୍ର ଖାନ ଭାଜପା ପ୍ରାଥୀଙ୍କ ବିରୁଦ୍ଧରେ ନିର୍ବାଚନ ଲଢ଼ିବେ। ଦୁହେଁ ବୃନ୍ଦାବନ ବ୍ୟାଙ୍କକୁରା ଜିଲ୍ଲାର ବିଷ୍ଣୁପୁର ଆସନରୁ ପ୍ରତିଦ୍ୱନ୍ଦ୍ୱିତା କରିବେ।
ଭାଜପା ଚଳିତ ମାସ ଆରମ୍ଭରେ ବିଷ୍ଣୁପୁରରୁ ଏହାର ପ୍ରାର୍ଥୀ ଘୋଷଣା କରିଥିଲା। ରବିବାର ତୃଣମୂଳ ସମାନ ଆସନରୁ ସୁଜାତା ମଣ୍ଡଳଙ୍କ ନାମ ଘୋଷଣା କରିଛି।
ସୂଚନାଯୋଗ୍ୟ ୨୦୨୧ ବିଧାନସଭା ନିର୍ବାଚନ ପୂର୍ବରୁ ଏହି ଦମ୍ପତି ଅଲଗା ହୋଇଯାଇଥିଲେ। ଯେତେବେଳେ ତାଙ୍କ ପତ୍ନୀ ଟିଏମସି ସଦସ୍ୟ ଭାବରେ ରାଜନୀତିରେ ଯୋଗ ଦେଇଥିଲେ ସେତେବେଳେ ଖାନ ଛାଡପତ୍ର ଘୋଷଣା କରିଥିଲେ।
୨୦୧୯ ଲୋକସଭା ନିର୍ବାଚନ ପୂର୍ବରୁ ବିଷ୍ଣୁପୁରର ଜଣେ ବରିଷ୍ଠ ନେତା ଖାନ ଟିଏମସିରୁ ଭାଜପାକୁ ଯାଇଥିଲେ। ତାଙ୍କ ପତ୍ନୀ ସେହି ସମୟରେ ତାଙ୍କ ପାଇଁ ପ୍ରଚାର କରିଥିଲେ। ତେବେ ରାଜ୍ୟରେ ଏକାକୀ ଲଢ଼ିବା ପାଇଁ ଟିଏମସି ପଶ୍ଚିମବଙ୍ଗରେ ୪୨ ଟି ଆସନ ପାଇଁ ପ୍ରାର୍ଥୀ ଘୋଷଣା କରିଛି।