ଭାରତର ଅଧିନାୟକ ବିରାଟ କୋହଲି ଏବେ ଦୁନିଆର ସର୍ବଶ୍ରେଷ୍ଠ ବ୍ୟାଟ୍ସମ୍ୟାନ। ପ୍ରତ୍ୟେକ ଫର୍ମାଟରେ ତାଙ୍କର ରେକର୍ଡ ହେଉଛି ତାଙ୍କର ପ୍ରାଧାନ୍ୟର ପ୍ରମାଣ। ‘ରନ ମେସିନ’ ଭାବରେ ଜଣାଶୁଣା ବିରାଟ କୋହଲିଙ୍କ ପ୍ରଶଂସକମାନେ କେବଳ ଭାରତରେ ନୁହେଁ, ସମଗ୍ର ବିଶ୍ୱରେ ଅଛନ୍ତି। ପାକିସ୍ତାନରେ ବିରାଟ କୋହଲିଙ୍କ ଲୋକପ୍ରିୟତା ମଧ୍ୟ ବହୁତ ଅଧିକ। ଏହାର ଏକ ଉଦାହରଣ ହେଉଛି ପାକିସ୍ତାନ କ୍ରିକେଟ ଦଳର ମଧ୍ୟମ ପେସର ହାସନ ଅଲିଙ୍କ ସ୍ତ୍ରୀ ଶାମିଆ ଅର୍ଜୁ ମଧ୍ୟ ବିରାଟ କୋହଲିଙ୍କ ‘ବଡ଼ ପ୍ରଶଂସକ’। ଶାମିଆ ତାଙ୍କ ଅଫିସିଆଲ ଇନଷ୍ଟାଗ୍ରାମରେ ପ୍ରଶଂସକଙ୍କ ସହ ବାର୍ତ୍ତାଳାପରେ ପ୍ରକାଶ କରିଛନ୍ତି ଯେ, ସେ କୋହଲିଙ୍କ ଜଣେ ବଡ଼ ପ୍ରଶଂସକ। ସେ ବିରାଟ କୋହଲିଙ୍କୁ ତାଙ୍କର ପ୍ରିୟ ବ୍ୟାଟ୍ସମ୍ୟାନ ବୋଲି ବର୍ଣ୍ଣନା କରିଛନ୍ତି।]
ବିରାଟ କୋହଲିଙ୍କ ପ୍ରଶଂସକ ହେବା ବ୍ୟତୀତ ଶାମିଆ ଅର୍ଜୁଙ୍କର ମଧ୍ୟ ଭାରତ ସହିତ ଏକ ବିଶେଷ ସମ୍ପର୍କ ରହିଛି। ପ୍ରକୃତରେ, ଶାମିଆ ଜଣେ ଭାରତୀୟ ନାଗରିକ। ୨୦୧୯ରେ ଦୁବାଇରେ ପାକିସ୍ତାନୀ ପେସର ହାସନ ଅଲିଙ୍କୁ ବିବାହ କରିଥିଲେ। ଶାମିଆ ଭାରତର ହରିୟାଣାର ନୁହା ଜିଲାର ଚାନ୍ଦେନି ଗାଁର ବାସିନ୍ଦା। ଶାମିଆ ଏମିରେଟ୍ସ ଏୟାରଲାଇନ୍ସରେ ଜଣେ ଫ୍ଲାଇଟ ଇଞ୍ଜିନିୟର ଏବଂ ତାଙ୍କ ପରିବାର ନୂଆଦିଲ୍ଲୀରେ ଅବସ୍ଥାପିତ ହୋଇଛନ୍ତି। ଶାମିଆ କିଛି ବର୍ଷ ପୂର୍ବେ ଦୁବାଇରେ ପାକିସ୍ତାନୀ ଦ୍ରୁତ ବୋଲରଙ୍କୁ ଭେଟିଥିଲେ ଏବଂ ସେହି ଦିନଠାରୁ ସେମାନଙ୍କର ବନ୍ଧୁତା ବଢିଥିଲା। କିଛି ବର୍ଷର ବନ୍ଧୁତା ପରେ, ଉଭୟ ବିବାହ କରିବାକୁ ସ୍ଥିର କଲେ। ଶାମିଆ ବିରାଟ କୋହଲିଙ୍କୁ ତାଙ୍କର ପ୍ରିୟ ବ୍ୟାଟ୍ସମ୍ୟାନ ବୋଲି କହିଥିବାବେଳେ ସେ ସ୍ବାମୀ ହାସନଙ୍କ ପ୍ରିୟ ବୋଲର କହିଥିଲେ।