ରାୟଗଡ଼ା,୫ା୪(ସ୍ବ.ପ୍ର.): ଅଦିନିଆ ଝଡ଼ବର୍ଷା ଯୋଗୁ ରାୟଗଡ଼ା ସହର ରାସ୍ତାରେ ବଡ଼ବଡ଼ ଗଛ ଭାଙ୍ଗିପଡ଼ିଛି। ବୁଧବାର ସନ୍ଧ୍ୟାରେ ପ୍ରବଳ ବର୍ଷା ସାଙ୍ଗକୁ ପବନ ହେବାରୁ ସହରର ରିଙ୍ଗ୍ରୋଡସ୍ଥିତ ୟୁଜିଏମଆଇଟି ନିକଟରେ, ନ୍ୟୁ କଲୋନୀ ରୋଡ୍ ଭିଗିନାନ ବିଦ୍ୟାଳୟଠାରେ ଗଛ ଭାଙ୍ଗିପଡ଼ିଛି। ସେହିଭଳି ରାୟଗଡ଼ା ରାସ୍ତାରେ କୋଟଲାଗୁଠାରୁ ହାଲୁଆ ଏବଂ ହାଲୁଆଠାରୁ କଣ୍ଟିଗୁଡ଼ା ସମେତ ଗୁମ୍ମା ପର୍ଯ୍ୟନ୍ତ ଗଛ ଭାଙ୍ଗି ରାସ୍ତା ଜାମ ରହିଥିବା ଜଣାପଡ଼ିଛି। ଏଥିସହିତ ମୁକୁନ୍ଦପୁର ଘାଟିରେ ମାଟି ଅତଡ଼ା ଖସିଥିବା ମଧ୍ୟ ସୂଚନା ମିଳିଛି। ଖବର ପାଇ ରାୟଗଡ଼ା ଅଗ୍ନିଶମ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ଗଛଗଡ଼ିକୁ କାଟି ରାସ୍ତାରୁ ସଫା କରୁଛନ୍ତି। ତେବେ ବର୍ତ୍ତମାନ ପର୍ଯ୍ୟନ୍ତ କୌଣସି ଧନଜୀବନ କ୍ଷତି ହୋଇଥିବା ସୂଚନା ମିଳିନାହିଁ। ଅଞ୍ଚଳରେ ବିଦ୍ୟୁତ୍ ସରବରାହ ବନ୍ଦ ରହିଛି।