କେସିଙ୍ଗା ୨୯।୧(ତୁମେଶ୍ୱର ସାହୁ):କେସିଙ୍ଗା ସ୍ଥିତ ବୃନ୍ଦାବନ ସାଂସ୍କୃତିକ ଅନୁଷ୍ଠାନର କଳାକାର ଗିନିଜ ବୁକରେ ସ୍ଥାନ ପାଇଥିବାରୁ ରେଳବାଇ ଷ୍ଟେଶନରେ ବୁଧବାର ଭବ୍ୟ ସ୍ବାଗତ ଓସମ୍ବର୍ଦ୍ଧନା କରାଯାଇଛି। ଦିଲ୍ଲୀର ଇଣ୍ଡିଆ ଗେଟରେ ସାଧାରଣତନ୍ତ୍ର ଦିବସ ଉପଲକ୍ଷେ ଆୟୋଜିତ ଦେଶର ସବୁଠୁ ବଡ଼ ସଂସ୍କୃତି ସମ୍ମିଶ୍ରଣ ନୃତ୍ୟରେ ୫ ହଜାର କଳାକାର ମଧ୍ୟରେ
କଳାହାଣ୍ଡି କେସିଙ୍ଗା ବୃନ୍ଦାବନ ସାଂସ୍କୃତିକ ଅନୁଷ୍ଠାନର ୬୦ ଜଣ କଳାକାର ଡାଲ ଖାଇ ନୃତ୍ୟରେ ଗିନିଜ ବୁକରେ ସ୍ଥାନ ପାଇଥିଲେ।
କଳାକାର ରେଳ ଷ୍ଟେଶନରେ ଆଜି ପହଞ୍ଚିବା ପରେ ଭବ୍ୟ ସ୍ବାଗତ କରାଯାଇଥିଲା। ସେମାନଙ୍କୁ ବାଜା ଓ ପୁଷ୍ପ ଗୁଚ୍ଛରେ ସ୍ବାଗତ କରାଯାଇଥିଲା। ସ୍ବାଗତ ପାଇଁ ଏନଏସି ଅଧ୍ୟକ୍ଷ ନୃପରାଜ ଯାଦବ,ପୂର୍ବତନ ନଗରପାଳ ରାମ କୁମାର ଜୈନ,ସମାଜସେବୀ ପ୍ରମୋଦ ଦାଶ, ରମେଶ ପଟ୍ଟନାୟକ, ନଳୀନ ପଟ୍ଟନାୟକ, ପ୍ରସନ୍ନ ମହାନ୍ତି,ବି ଏସ ଏ ସଭାପତି ସୁଶାନ୍ତ ମହାପାତ୍ର, ସମ୍ପାଦକ ଅକ୍ଷୟ କୁମାର ଦାସ,କୋଷାଦକ୍ଷ ବିକ୍ରମ ବାରିକ ,ଅଜୟ ଜେନା ,ସୁରେଶ ମହାନନ୍ଦ, ସଂଗ୍ରାମ ବାରିକ,କୁଞ୍ଜ ସାହୁ, ଓ ବିଏସଏର ବହୁ ସଭ୍ୟସଭ୍ୟା ଉପସ୍ଥିତ ଥିଲେ।
ପ୍ରଥମଥର ପରେଡରେ ଦେଶର ବିଭିନ୍ନ ରାଜ୍ୟର ୪୫ ପ୍ରକାର ନୃତ୍ୟ ପରିବେଷଣ କରାଯାଇଥିଲା। ବିଭିନ୍ନ ନୃତ୍ୟ ମଧ୍ୟରେ ପଶ୍ଚିମ ଓଡ଼ିଶାର ଡାଲ ଖାଇ ନୃତ୍ୟ ବି ସ୍ଥାନ ପାଇଥିଲା।
