ନୟାଗଡ଼,୧୪।୪(ଲୋକନାଥ ମିଶ୍ର)ନୟାଗଡ ଜିଲା ମୁଖ୍ୟ ଚିକିତ୍ସାଳୟର ରକ୍ତଭଣ୍ଡାର ସମ୍ମୁଖ ରକ୍ତ ଭଣ୍ଡାର ପାଖରେ ରକ୍ତ ପ୍ୟାକେଟ ଫୋପଡା ଯାଇଥିବା ଦେଖିବାକୁ ମିଳିଥିଲା। ଶୁକ୍ରବାର ବିଳମ୍ବିତ ରାତିରୁ ଶନିବାର ଭୋର ସମୟ ପର୍ଯ୍ୟନ୍ତ ରକ୍ତ ପ୍ୟାକେଟ ପଡିଥିଲା । ରକ୍ତ ଭଣ୍ଡାରରେ ରକ୍ତର ଅଭାବ ଥିବାବେଳେ ରକ୍ତ ଭଣ୍ଡାର ସମ୍ମୁଖରେ କିଏ ଓ କାହିଁକି ରକ୍ତ ପ୍ୟାକେଟ ଫୋପାଡିଲା ତା’ର କାରଣ ଜଣାପଡିନି। ଅନ୍ୟପକ୍ଷେ ଭୋର ହେବା ପରେ ରକ୍ତ ପ୍ୟାକେଟଟି ଗାଏବ ହୋଇ ଯାଇଥିଲା। ରକ୍ତଭଣ୍ଡାର ପାଖରେ ରକ୍ତ ପ୍ୟାକେଟ ପଡିବା ଓ ପରେ ଗାଏବ ହେବା ଘଟଣା ସାଧାରଣରେ ଅନେକ ପ୍ରଶ୍ନ ସୃଷ୍ଟି କରିଛି । ପ୍ରକାଶଥାଉ କି, ରକ୍ତ ପ୍ୟାକେଟ ବେଆଇନ ଭାବେ ରକ୍ତଣ୍ଡାରରୁ ବିକ୍ରି ହେଉଥିବା ଅଭିଯୋଗ ହୋଇ ଆସୁଛି । ଏନେଇ ବ୍ଲଡ୍ ବ୍ୟାଙ୍କ ଅଫିସର ଡାକ୍ତର ଅଜୟ ବାହିନିପତି କୁହନ୍ତି, ଶନିବାର ଭୋର ସମୟରେ ରକ୍ତଭଣ୍ଡାର ପାଖରେ ଦୁଇ ସିକ୍ୟୁରିଟ୍ ଗାର୍ଡ ବସିଥିଲେ । ତେବେ ମୁଁ ବ୍ଲଡ୍ ପ୍ୟାକେଟ ପଡିଥିବା ଦେଖିବାକୁ ପାଇଲି ନାହିଁ । ଏପରି କରି କିଏ ରକ୍ତଭଣ୍ଡାରକୁ ବଦନାମ କରିବାକୁ ଉଦ୍ୟମ କରୁଛନ୍ତି ବୋଲି ସେ କହିଛନ୍ତି ା