କେନ୍ଦୁଝର,୧୬।୧୧(ସ୍ବ.ପ୍ର.): କେନ୍ଦୁଝର ଜିଲା ସଦରଥାନା ଅନ୍ତର୍ଗତ ଠାକୁରଡ଼ିହି ଛକ ନିକଟରୁ ଏକ ଦଶ ଚକିଆ ଟ୍ରକରୁ ରକ୍ତ ଜୁଡୁବୁଡ଼ୁ ଅବସ୍ଥାରେ ଜଣେ ବ୍ୟକ୍ତିଙ୍କ ମୃତଦେହ ପୋଲିସ ଜବତ କରିଛି। ଏହାକୁ ନେଇ ଉକ୍ତ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି। ତାଙ୍କ ନାମ ରଞ୍ଜିତ ମହାକୁଡ଼ ଓ ଘର୍ ପଣ୍ଡାପଡା ଥାନା ଟାଙ୍ଗରପଡ଼ାରେ ବୋଲି ଜଣା ପଡ଼ିଛି। ଏ ନେଇ ତାଙ୍କ ବାପା ଚନ୍ଦ୍ରଭାନୁ ମହାକୁଡ଼ ଥାନାରେ ଅଭିଯୋଗ କରିବା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଛି। ସୋମବାର ରାତିରେ ସେ ଟ୍ରକ୍ରେ ଶୋଇଥିଲେ। ସକାଳେ ଫୋନ ନ ଉଠାଇବାରୁ, ତାଙ୍କୁ ଡ୍ରାଇଭର ଦେଖିବାକୁ ଯାଇଥିଲା। ରକ୍ତାକ୍ତ ଅବସ୍ଥାରେ ପଡିଥିବା ଦେଖି ବାପାଙ୍କୁ ଜଣାଇଥିଲେ। ଘରୋଇ ଶତ୍ରୁତା କାରଣରୁ ହତ୍ୟାକାଣ୍ଡ ଘଟିଥିବା ପରିବାର ଲୋକେ ସନ୍ଦେହ କରୁଛନ୍ତି।
