ଜେନେଭା,୨୮।୩ : ରୁଷିଆରୁ ୟୁରୋପ ଯାଇଥିବା ନର୍ଡ ଷ୍ଟ୍ରିମ- ୧ ଏବଂ ନର୍ଡ ଷ୍ଟ୍ରିମ-୨ ଗ୍ୟାସ ପାଇପ ଲାଇନଗୁଡିକରେ ଭଙ୍ଗାରୁଜା ସମ୍ପର୍କରେ ରୁଷିଆ ଏକ ଅନ୍ତର୍ଜାତୀୟ ତଦନ୍ତ ଦାବି କରିଥିଲା । ଏଥିପାଇଁ ମିଳିତ ଜାତିସଂଘ ସୁରକ୍ଷା ପରିଷଦ (ୟୁଏନଏସସି) ରେ ଏକ ପ୍ରସ୍ତାବ ମଧ୍ୟ ଆଣିଥିଲା। କିନ୍ତୁ ୟୁଏନଏସସି ଏହି ପ୍ରସ୍ତାବକୁ ସମର୍ଥନ କରି ନାହିଁ। । ରୁଷିଆର ନ୍ୟୁଜ ଏଜେନ୍ସି ତାସ ରିପୋର୍ଟ କରିଛି ଯେ ନର୍ଡ ଷ୍ଟ୍ରିମର ଭଙ୍ଗାରୁଜା ସମ୍ପର୍କରେ ଅନ୍ତର୍ଜାତୀୟ ଅନୁସନ୍ଧାନ ଉପରେ ରୁଷିଆ ଏବଂ ଚାଇନା ପ୍ରସ୍ତାବକୁ ୟୁଏନଏସସି ଖାରଜ କରିଦେଇଛି।
ମିଳିତ ଜାତିସଂଘ ସୁରକ୍ଷା ପରିଷଦର ବୈଠକ ରୁଷିଆରୁ ଜର୍ମାନୀ ପର୍ଯ୍ୟନ୍ତ ନର୍ଡ ଷ୍ଟ୍ରିମ ଗ୍ୟାସ ପାଇପଲାଇନରେ ଗତ ବର୍ଷ ହୋଇଥିବା ଭଙ୍ଗରୁଜା ଘଟଣାର ନିରପେକ୍ଷ ତଦନ୍ତ ପାଇଁ ମସ୍କୋର ଆବେଦନକୁ ସୁରକ୍ଷା ପରିଷଦ ପ୍ରତ୍ୟାଖ୍ୟାନ କରିଛି। ସେପ୍ଟେମ୍ବର ୨୦୨୨ ରେ ବାଲଟିକ ସାଗର ତଳେ ହୋଇଥିବା ବିସ୍ଫୋରଣ ପାଇଁ ପାଶ୍ଚାତ୍ୟ ଦେଶମାନେ ରୁଷିଆକୁ ଦାୟୀ କରିଥିଲେ। କିନ୍ତୁ ପାଶ୍ଚାତ୍ୟ ଦେଶ ଲପରେ ରୁଷିଆ ଏନେଇ ଆରୋପ ଲଗାଇଥିଲା, ଯେ ସେମାନେ ପାଇପ ଲାଇନରେ ଜାଣିଶୁଣି ବିସ୍ଫୋରଣ କରିଛନ୍ତି।
