କୋଲକାତା,୧୬।୬: ପଶ୍ଚିମବଙ୍ଗର କୋଲକାତାଠାରେ ଥିବା ଭାଜପାର କେନ୍ଦ୍ରୀୟ କାର୍ଯ୍ୟାଳୟ ନିକଟରେ ଏକ ବୋମା ଭଳି ଜିନିଷ ଦେଖିବାକୁ ମିଳିଛି। ଏହି ସୂଚନା ପରେ ଘଟଣାସ୍ଥଳରେ ଆତଙ୍କ ଖେଳିଯାଇଛି ଏବଂ ପୋଲିସ ସମଗ୍ର ଅଞ୍ଚଳକୁ ଘେରି ରହିଛି।
ଏନେଇ ପ୍ରଶ୍ନ ଉଠାଇ ଭାଜପା ନେତା ତଥା ଉତ୍ତର କୋଲକାତା ସଭାପତି ତମାଗାନ ଘୋଷ କହିଛନ୍ତି,ଯଦି ଭାଜପା ପାର୍ଟି କାର୍ଯ୍ୟାଳୟ ସମ୍ମୁଖରେ ମିଳିଥିବା ବସ୍ତୁ ଏକ ବୋମା, ତେବେ କୋଲକାତା ପୋଲିସର ବୋମା ନିଷ୍କାସନକାରୀ ଦଳ କେଉଁଠାରେ ଅଛନ୍ତି? ସେଠାରେ ସୁରକ୍ଷା ଅଭାବ ରହିଛି ବୋଲି ସେ କହିଛନ୍ତି।
ସୂଚନାଯୋଗ୍ୟ ଯେ, ନିର୍ବାଚନୀ ପରବର୍ତ୍ତୀ ହିଂସା ଘଟଣାର ଅନୁସନ୍ଧାନ ପାଇଁ ଆଜି ଏକ ସ୍ବତନ୍ତ୍ର ଦଳ ରାଜ୍ୟକୁ ଆସୁଛନ୍ତି। ଏହାପୂର୍ବରୁ ଭାଜପାର କେନ୍ଦ୍ରୀୟ କାର୍ଯ୍ୟାଳୟ ନିକଟରେ ବୋମା ଭଳି ଜିନିଷ ମିଳିବା ପରେ ଉତ୍ତେଜନା ଦେଖାଦେଇଥିଲା।