ଜନ୍ମ, ମୃତ୍ୟୁ ଇଶ୍ୱରଙ୍କ ହାତରେ ଥାଏ। ଲୋକେ ଜନ୍ମକୁ ତ ସେଲିବ୍ରେଟ୍ କରନ୍ତି। ହେଲେ ମୃତ୍ୟୁ ବିଷୟରେ କଥା ହେବାକୁ ବି କେହି ଚାହାନ୍ତି ନାହିଁ। ପରିବାରର କେହି ଚାଲିଗଲେ ସମସ୍ତେ ଦୁଃଖରେ ଏତେ ଭାଙ୍ଗିପଡ଼ନ୍ତି ଯେ, ସେଥିରୁ ବାହାରିବା ଲାଗି ଅନେକ ସମୟ ଲାଗିଯାଏ। କିନ୍ତୁ ଜାପାନରେ ମୃତ୍ୟୁକୁ ନେଇ ଏକ ଉତ୍ସବ ବେଶ୍ ଯାକଜମକରେ ପାଳନ କରାଯାଏ। ଏହି ପର୍ବର ନାମ ହେଉଛି ‘ସୁକତ୍ସୁ’। ଏହି ଉତ୍ସବରେ ଲୋକେ କେବଳ ଯେ ନିଜ ମୃତ୍ୟୁ ସମ୍ପର୍କରେ କଥା ହୁଅନ୍ତି ତାହା ନୁହେଁ, ବରଂ ତା’ ପାଇଁ ବିଭିନ୍ନ ବ୍ୟବସ୍ଥା ବି କରନ୍ତି। ଉତ୍ସବକୁ ଆସୁଥିବା ଲୋକ ନିଜ ମୃତ୍ୟୁ ପରେ ଯେଉଁ ପୋଷାକ ପିନ୍ଧିବେ ତାକୁ ବାଛନ୍ତି ଓ ଫୁଲରେ ଭରା କଫିନର ଡିଜାଇନ ଓ ଆକାର ବାଛନ୍ତି। ତା’ ଭିତରେ ଶୋଇ ଦେଖନ୍ତି। ତା’ସହ କଫିନ୍ କେଉଁଠି ପୋତାଯିବ ସେହି ସ୍ଥାନ ବାଛି କିଣନ୍ତି। ଉକ୍ତ ଉତ୍ସବ ଏକ ବ୍ୟବସାୟ ପରି, ଯାହା ‘ଏଣ୍ଡିଙ୍ଗ ଇଣ୍ଡଷ୍ଟ୍ରି’ ନାମରେ ପରିଚିତ। ଏହା ଜରିଆରେ ଲୋକେ ମୃତ୍ୟୁ ପରେ କ’ଣ ହେବ ସେସବୁ ଆଗୁଆ ଜାଣିଥାନ୍ତି। ଲୋକେ ସାଧାରଣତଃ ମୃତ୍ୟୁର ନାଁ ଶୁଣିରେ ଶିହରୀ ଯାଆନ୍ତି। ହେଲେ ଜାପାନର ଏହି ଉତ୍ସବରେ କିନ୍ତୁ ଲୋକେ ନିଜ ମୃତ୍ୟୁ ପାଇଁ ଆଗୁଆ ସଜବାଜ ହୁଅନ୍ତି, ଯାହା ସମସ୍ତଙ୍କୁ ବେଶ୍ ଚକିତ କରାଏ।