ପାଟଣା,୧୦।୪(ବୀରକିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ତୁରୁମୁଙ୍ଗା ସରସ୍ବତୀ ଶିଶୁ ବିଦ୍ୟାମନ୍ଦିର ରୌପ୍ୟ ଜୟନ୍ତୀ ସମାରୋହ ଅନୁଷ୍ଠିତ ହୋଇଛି। ଆୟୋଜିତ ସଭା ପରିଚାଳନା କମିଟି ସଭାପତି ପ୍ରଦୀପ କୁମାର ସାହୁଙ୍କ ଅଧ୍ୟକ୍ଷତାରେ ମୁଖ୍ୟ ଅତିଥି ଭାବେ ଓଡ଼ିଶା ପର ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଯୋଗଦେଇ ଆପଣଙ୍କ ଭଳି ଆପଣଙ୍କ ଜିଲାର ଶିଶୁ ମନ୍ଦିରର ଜଣେ ଗୁରୁଜୀ ଆଜି ରାଜ୍ୟର ମଙ୍ଗ ଧରିଛନ୍ତି। ତେଣୁ ଆମେ ପାରିବା। ଯେତେବେଳେ ଇଂରାଜୀ ମିଡିୟମ ସ୍କୁଲ ବଢ଼ିଚାଲିଛି ସେତେବେଳେ ବି ଶିଶୁ ମନ୍ଦିର ପିଲା ଲଢେଇ କରି ଆଗକୁ ଯାଉଛନ୍ତି। ଶିଶୁ ମନ୍ଦିର ପିଲା କେବେ ଦେଶଦ୍ରୋହୀ ହୋଇପାରିବେ ନାହିଁ। ଦେଶ ଭକ୍ତ ହିଁ ହେବ। ମୁଖ୍ୟବକ୍ତା ଭାବେ ଶିଶୁ ସାହିତି୍ୟକ ଡଃ ରାମଚନ୍ଦ୍ର ନାୟକ, ସମ୍ମାନୀତ ଅତିଥି ଭାବେ ପାଟଣା ବିଧାୟକ ଅଖିଳ ଚନ୍ଦ୍ରର ନାଏକ, ଚଳଚ୍ଚିତ୍ର ଅଭିନେତା ତଥା କୋରେଇ ବିଧାୟକ ଆକାଶ ଦାସ ନାୟକ, ଏଡିଏମ ମନ୍ଦରକନ୍ଦର ମହାଳିକ, ଉପଜିଲାପାଳ ଉମାଶଙ୍କର ଦଳେଇ ପ୍ରମୁଖ ଯୋଗ ଦେଇଥିଲେ। କାର୍ଯ୍ୟକ୍ରମକୁ କୈବଲ୍ୟ ଚରଣ ସାହୁ ସଂଯୋଜନା ଓ ଧନ୍ୟବାଦ ଦେଇଥିଲେ। ଛାତ୍ରଙ୍କ ଦାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଛି।
