ରାଇକିଆ,୮ା୧(ପ୍ରଦୀପ ବେହେରା): ଏବେ ଚାଲିଛି ପିକ୍ନିକ୍ ଋତୁ। ସବୁଠି ବଣଭୋଜିର ଆସର। କନ୍ଧମାଳ ଜିଲା ନୂଆଗାଁ ବ୍ଲକର ଗୁଞ୍ଜିବାଡ଼ି ନିକଟରେ ପ୍ରାକୃତିକ ସୌନ୍ଦର୍ଯ୍ୟରେ ଭରପୂର ବାଦୁବାଡ଼ି ହେଉଛି ସ୍ଥାନୀୟ ଲୋକଙ୍କ ପିକ୍ନିକ୍ ସ୍ଥାନ। ବର୍ଷ ତମାମ ଏଠାରେ ଭୋଜିଭାତର ଆସର ଜମିଥାଏ।
ବିଶେଷକରି ରାଇକିଆ ଅଞ୍ଚଳରୁ ଅଧିକାଂଶ ଲୋକେ ଏଠାକୁ ବଣଭୋଜି ପାଇଁ ଆସିଥାନ୍ତି। ରାଇକିଆ- କନୂଆଗାଁ ମୁଖ୍ୟ ରାସ୍ତାକଡ଼ରେ ବହି ଯାଇଥିବା କାଳୀପାନି ନଦୀ ସଂଲଗ୍ନ ବିରାଟକାୟ ପଥର ଏବଂ ଜଳପ୍ରପାତ ଭଳି ଦୃଶ୍ୟ ପ୍ରକୃତିପ୍ରେମୀଙ୍କ ମନ ମୋହିଥାଏ। ବିଶେଷ ଆନୁଷଙ୍ଗିକ ସୁବିଧା ନ ଥିଲେ ମଧ୍ୟ ଏଠାରେ ବଣଭୋଜି ପାଇଁ ପ୍ରକୃତିପ୍ରେମୀଙ୍କ ପ୍ରବଳ ଭିଡ଼ ଜମିଥାଏ। ଲୋକେ ଭୋଜିଭାତ କରି ମଜା ଉଠାଇଥାନ୍ତି।