ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ରୋଗ ପ୍ରତିରୋଧକ ଶକ୍ତି କମ୍ ଥିବା ଲୋକଙ୍କୁ କରୋନା ସଂକ୍ରମଣ ହେବାର ସମ୍ଭାବନା ଅଧିକ ଥିବା ଡାକ୍ତର ଏବଂ ବିଶେଷଜ୍ଞମାନେ ମତ ରଖୁଛନ୍ତି। ଏପରିସ୍ଥଳେ ନିଜକୁ ସୁରକ୍ଷିତ ରଖିବା ପାଇଁ ଖାଦ୍ୟପେୟ ଉପରେ ସ୍ବତନ୍ତ୍ର ଦୃଷ୍ଟି ଦେବାକୁ କୁହାଯାଉଛି। ତେବେ ରୋଗପ୍ରତିରୋଧକ ଶକ୍ତି ବୃଦ୍ଧି କରିବା ପାଇଁ ଆୟୁର୍ବେଦୀୟ ଉପଚାର ଆପଣାଇପାରିବେ। ଯେଉଁଥିରୁ ଗୋଟିଏ ହେଲା ତୁଳସୀ କାଢ଼ା। ତୁଳସୀରେ ଥିବା ଔଷଧୀୟ ତତ୍ତ୍ୱ ଶରୀରରେ ସଂକ୍ରମଣ ହେବାରୁ ରକ୍ଷା କରିଥାଏ। ଏଥିସହ ଅନ୍ୟ ଭାଇରସ୍ ଏବଂ ବ୍ୟାକ୍ଟେରିଆ ସଂକ୍ରମଣଠାରୁ ମଧ୍ୟ ରକ୍ଷା କରିଥିଲେ।
କେତେବେଳେ ପିଇବେ: ପ୍ରତ୍ୟେହ ସକାଳୁ ଖାଲି ପେଟରେ ଗୋଟିଏ କପ୍ ତୁଳସୀ କାଢ଼ା ପିଇବା ଉପକାରୀ। ଏହାଛଡ଼ା ତୁଳସୀ ଚା’ର ସେବନ କରିପାରିବେ। ଏହାଦ୍ୱାରା ରୋଗ ପ୍ରତିରୋଧକ ଶକ୍ତି ସହ ଶରୀରର ଶକ୍ତି ବଢ଼ାଇଥାଏ। କେବଳ ଏତିକି ନୁହେଁ ଦିନତମାମ ଫ୍ରେସ୍ ଲାଗିଥାଏ।
କିପରି ପ୍ରସ୍ତୁତ କରିବେ: ପ୍ରଥମେ ଏକ ପ୍ୟାନ୍ରେ ପାଣି ନେଇ ଗରମ କରନ୍ତୁ। ଏହାପରେ ଏଥିରେ ତୁଳସୀ ପତ୍ର, ଗୁଜରାତି, ଗୋଲମରିଚ ପାଉଡର ଏବଂ ଅଦା ପକାନ୍ତୁ। ଏହାକୁ ଅତିକମ୍ରେ ୧୫ରୁ ୨୦ ମିନିଟ୍ ପର୍ଯ୍ୟନ୍ତ ଫୁଟାନ୍ତୁ। ପରେ ଏହାକୁ ଛାଣି ଥଣ୍ଡା ହେବାକୁ ରଖି ଦିଅନ୍ତୁ। ସ୍ବାଦ ପାଇଁ ଆପଣ ଏଥିରେ ମହୁ କିମ୍ବା ଗୁଡ ମିଶାଇପାରିବେ।