ଲୋଇସିଂହା,୬ା୯(ସୁଶାନ୍ତ ବାରିକ): ବଲାଙ୍ଗୀର ଜିଲା ଲୋଇସିଂହା ବ୍ଲକ ପରିସରରେ ୨ ଜଣଙ୍କୁ ମରଣାନ୍ତକ ଆକ୍ରମଣ ହୋଇଛି । ଠିକାବିବାଦରୁ ଏପରି କାଣ୍ଡ ଘଟିଥିବା ଜଣାଯାଇଛି। ଲୋଇସିଂହା ଥାନା ବାବିବାହାଲ ଗ୍ରାମର ସୁନୀଲ ବାଶ(୩୭) ଏବଂ ହରଭଙ୍ଗା ଗ୍ରାମର ବିଜୟ କୁମାର ବିଶ୍ୱାଳ ଆକ୍ରମଣର ଶିକାର ହୋଇଛନ୍ତି। ବିଜୟଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଲୋଇସିଂହାରେ ପ୍ରାଥମିକ ଚିକିତ୍ସା ପରେ ବଲାଙ୍ଗୀର ଭୀମଭୋଇ ମେଡିକାଲ କଲେଜ ଆଣ୍ଡ୍ ହସ୍ପିଟାଲକୁ ସ୍ଥାନାନ୍ତର କରାଯାଇଛି। ସୁନୀଲଙ୍କ ଅଭିଯୋଗ କ୍ରମେ ଲୋଇସିଂହା ପୋଲିସ ଯାଇ ଛାନ୍ଭିନ ଚଳାଇଛି।
ଅଭିଯୋଗରୁ ପ୍ରକାଶ ଯେ, ଠିକାକାମକୁ ନେଇ ସୁନୀଲ ଏବଂ ସ୍ଥାନୀୟ ସରପଞ୍ଚ ପ୍ରଶାନ୍ତ ତ୍ରିପାଠୀଙ୍କ ମଧ୍ୟରେ ବିବାଦ ଲାଗି ରହିଛି। ବୁଧବାର ଉଭୟ ପକ୍ଷ ବ୍ଲକ ପରିସରରେ ଯୁକ୍ତିତର୍କ ହୋଇଥିଲେ। ମାତ୍ର ଗୁରୁବାର ଅପରାହ୍ନରେ ସୁନୀଇ ବ୍ଲକ ପରିସରରେ ଥିଲେ। ସୁନୀଲ ବ୍ଳକ କାର୍ଯ୍ୟାଳୟରୁ ଏମ୍ଇଏନ୍ଆର୍ଇଜିଏସ୍ ବିଭାଗକୁ ଯାଉଥିବା ବାଟରେ ସରପଞ୍ଚ ପ୍ରଶାନ୍ତ ତ୍ରିପାଠୀ, ସରପଞ୍ଚଙ୍କ ଭଣଜା କଅଗାଁ ଗ୍ରାମର ରମାକାନ୍ତ ମିଶ୍ର, ଭଲିଆମୁଣ୍ଡାର ମଣ୍ଟୁ ନଈ ଏବଂ ବୁର୍ଡା,ବଲାଙ୍ଗୀର ସହରରୁ ବାଇକ ଓ ଚାରିଚକିଆରେ ଆସିଥିବା କେତେକ ଗୁଣ୍ଡା ଶ୍ରେଣୀର ବ୍ୟକ୍ତି ଅତର୍କିତ ଭାବେ ଆକ୍ରମଣ କରିଥିଲେ। ଲାତ, ଗୋଇଠା ମାରିବା ସହ ଭୁଜାଲି, ଠେଙ୍ଗା ଧରି ମରଣାନ୍ତକ ଆକ୍ରମଣ କରିଥିଲେ। କୌଶଳ କ୍ରମେ ସୁନୀଲ ସେଠାରୁ ଖସି ଯାଇ ଜୀବନ ରକ୍ଷା କରିଥିଲେ। ପରବର୍ତ୍ତୀ ସମୟରେ ସମ୍ପୃକ୍ତ ଆକ୍ରମଣକାରୀ ବିଜୟଙ୍କ ଉପରେ ବ୍ଲକ ଗେଟ୍ ନିକଟରେ ଆକ୍ରମଣ କରିଥିଲେ। ଆକ୍ରମଣରେ ବିଜୟ ଲହୁଲୁହାଣ ହୋଇପଡ଼ିଛନ୍ତି। ବିଜୟଙ୍କ ମୁହଁ, ମୁଣ୍ଡ ଏବଂ ଶରୀର ବିଭିନ୍ନ ସ୍ଥାନରେ ଗଭୀର ଆଘାତ ଲାଗିଥିବା ଜଣାପଡିଛି। କେତେକ ବ୍ୟକ୍ତି ଘଟଣା ସ୍ଖଳରୁ ବିଜୟଙ୍କୁ ଗୁରୁତର ଅସ୍ଥାରେ ଉଦ୍ଧାର କରି ଲୋଇସିଂହା ଡାକ୍ତରଖାନକୁ ଆଣିଥିଲେ। ଅବସ୍ଥା ଗୁରୁତର ଥିବାରୁ ବିଜୟଙ୍କୁ ବଲାଙ୍ଗୀର ମେଡିକାଲକୁ ସ୍ଥାନାନ୍ତର କରା ଯାଇଛି। ଆକ୍ରମଣର ଶିକାର ହୋଇଥିବା ଦୁଇଜଣ ବ୍ୟକ୍ତି ଭାଜପାର କର୍ମୀ ବୋଲି ଜଣାପଡ଼ିଛି।
ଗୁରୁତର ବିଜୟ ହେଉଛନ୍ତି ଜଣେ ଅବସରପ୍ରାପ୍ତ ସୈନିକ ବୋଲି ଜଣାଯାଇଛି। ଘଟଣାକୁ ନେଇ ସୁନୀଲ ଲୋଇସିଂହା ଥାନାରେ ଏତଲା ଦେଇଛନ୍ତି । ଖବର ପାଇ ଭାଜପା କର୍ମୀ ଥାନାରେ ପଦ ବ୍ଲକର ଜଣେ ନେତାଙ୍କ ଇଙ୍ଗିତରେ ଏହି ଆକ୍ରମଣ ଘଟଣା ଘଟିଛ। ପୋଲିସ ଏହାର ନିରପକ୍ଷ ତଦନ୍ତ କରି ସମସ୍ତ ଅଭିଯୁକ୍ତଙ୍କୁ ଗିରଫ କରିବାକୁ ଭାଜପା କର୍ମୀମାନେ ଦାବି କରିଛନ୍ତି। ଏହି ଘଟଣା ପରେ ଆକ୍ରମଣକାରୀମାନେ ଘଟଣାସ୍ଥଳରୁ ଫେରାର ହୋଇଯାଇଛନ୍ତି।
ଉଲ୍ଲେଖଯୋଗ୍ୟ, ସ୍ଥାନୀୟ ବିଧାୟକ ତଥା ମନ୍ତ୍ରୀ ମୁକେଶ ମହାଲିଙ୍ଗ ଭାଜପାର ହୋଇଥିବା ବେଳେ ବ୍ଲକ ଅଧ୍ୟକ୍ଷ ବିଜେଡିର ରହିଛନ୍ତି। ୨୦୨୪ ସାଧାରଣ ନିର୍ବାଚନ ପରଠାରୁ ବ୍ଲକ ପରିସରରେ ଭାଜପା ଓ ବିଜେଡି କର୍ମୀଙ୍କ ମଧ୍ୟରେ ଛକାପଞ୍ଝା ଲାଗି ରହିଛି।
