ବାସୁଦେବପୁର, ୭ା୨ (ଡି.ଏନ.ଏ.): ଭଦ୍ରକ ଜିଲା ବାସୁଦେବପୁର ବ୍ଲକର ବିଦେଇପୁର ପଞ୍ଚାୟତକୁ ଗତ ଶୁକ୍ରବାର ବିଧାୟକ ବିଷ୍ଣୁବ୍ରତ ରାଉତରାୟ ନିର୍ବାଚନ ପ୍ରଚାରରେ ଯାଇଥିବା ବେଳେ ବିରୋଧ ପ୍ରଦର୍ଶନ କରାଯାଇଥିଲା। କେତେକ ବ୍ୟକ୍ତି ତାଙ୍କୁ ଓ ତାଙ୍କ ସମର୍ଥକଙ୍କୁ ଗାଳିଗୁଲଜ କରି ଅଟକ ରଖିଥିଲେ। ଏନେଇ ବିଧାୟକଙ୍କ ସମର୍ଥକ ରଙ୍ଗାଧର ଜେନାଙ୍କ ଅଭିଯୋଗ କ୍ରମେ କଷିଆ ସାମୁଦ୍ରିକ ଥାନାରେ ୧୭ ଜଣଙ୍କ ନଁାରେ ମାମଲା ରୁଜୁ କରାଯାଇଛି। ଏହାକୁ ନେଇ ରାଜନୀତି ସରଗରମ ଥିବାବେଳେ ଶନିବାର ରାତିରେ ଘଟଣାଟି ଭିନ୍ନ ମୋଡ଼ ନେଇଛି। ଅପରପକ୍ଷରୁ ସୁମିତ୍ରା ମଳିକଙ୍କ ପାଲଟା ଅଭିଯୋଗ କ୍ରମେ ଥାନାରେ ବିଧାୟକଙ୍କ ସମର୍ଥକଙ୍କ ବିରୋଧରେ ୨୬ ଜଣଙ୍କ ନଁାରେ ଏକ ମାମଲା (ନଂ.୧୮/୨୨) ରୁଜୁ ହୋଇଛି। ବିଧାୟକଙ୍କ ସହ ପ୍ରଚାର କରିବାକୁ ଆସିଥିବା ବ୍ୟକ୍ତିମାନେ ସୁମିତ୍ରା ଓ ତାଙ୍କ ସହଯୋଗୀଙ୍କୁ ଗାଳିଗୁଲଜ କରିଥିବା ଉଲ୍ଲେଖ କରାଯାଇଛି।