ରାଉରକେଲା ଅଫିସ,୨୧।୩: ସୁନ୍ଦରଗଡ଼ ଜିଲା ରାଉରକେଲାସ୍ଥିତ ନାଳରୋଡ଼ ଅଞ୍ଚଳରେ ମଙ୍ଗଳବାର ନକଲି ମୋବିଲ କାରଖାନା ଠାବ । ଉକ୍ତ ଅଞ୍ଚଳରେ ରହୁଥିବା ତାସଲିମ ଆରିଫ ନାମକ ଜଣେ ବ୍ୟକ୍ତି ନିଜ ଘରେ ନକଲି ମୋବିଲ ତିଆରି କରୁଥିବା କୌଣସି ସୂତ୍ରରୁ ସୂଚନା ମିଳିଥିଲା। । ବିଭିନ୍ନ ନାମୀଦାମୀ କମ୍ପାନୀ ନାମରେ ନକଲି ମୋବିଲ ତିଆରି କରି ଆରିଫ ବଜାରରେ ବିକ୍ରି କରି ଆସୁଥିଲା । ଏଖବର ପାଇ ପ୍ଲାଣ୍ଟସାଇଟ ଥାନା ପୋଲିସ ତାସଲିମଙ୍କ ଘରେ ଚଢ଼ାଉ କରିଥଲା । ଚଢ଼ାଉ ବେଳେ ବିଭିନ୍ନ କମ୍ପାନୀର ଲେବୁଲ ଲାଗିଥିବା ୧୨୮୧ଟି ନକଲି ମୋବିଲ ବୋତଲ ସହ ଖାଲି ବୋତଲ, ଷ୍ଟିକର, ଠିପି ଆଦି ଜବତ ହୋଇଛି। କୋଲକାତା ସମେତ ସହରର ବିଭିନ୍ନ ଗ୍ୟାରେଜରୁ ପୋଡ଼ା ମୋବିଲ ସଂଗ୍ରହ କରି ଏହାକୁ ରିଫାଇନ କରି ନକଲି ମୋବିଲ ପ୍ରସ୍ତୁତ କରୁଥିଲା ।
