କେନ୍ଦୁଝର,୧୪ା୧୨(ନରେଶ ଚନ୍ଦ୍ର ପଟ୍ଟନାୟକ): ଶନିବାର ଅପରାହ୍ନରେ ଧରଣୀଧର ବିଶବିଦ୍ୟାଳୟ ପାଖରେ ଥିବା ଏକ ସୋଲାର ପ୍ଲେଟ୍ ଗୋଦାମରେ ନିଆଁ ଲାଗି ଯିବାରୁ ବ୍ୟାପକ ନଷ୍ଟ ହୋଇଛି।
ଶଟ୍ସର୍କିଟ୍ରୁ ଏହି ଅଗ୍ନକାଣ୍ଡ ଘଟିଥିବା ଅନୁମାନ କରାଯାଉଛି। ବାହାରେ ଏକ ଅସ୍ଥାୟୀ ସେଡ୍ ଭିତରେ ଏହି ସୋଲାର ପ୍ଲେଟ୍ ଗଚ୍ଛିତ ଥିଲା। ତେବେ ସୂଚନା ପାଇ ଲୋକେ ନିଆଁ ଲିଭାଇବାକୁ ଚେଷ୍ଟା କଲା ବେଳେ ପରିସ୍ଥିତି ଅସମ୍ଭାଳ ହୋଇଥିଲା। ନିଆଁ ଜୋର୍ରେ ଜଳି ଉଠିଥିଲା। କିନ୍ତୁ ଦମକଳ ବାହିନୀ ବିଳମ୍ବରେ ଆସିଲା ବୋଲି ସେଠାରେ ଅଭିଯୋଗ ଆସିଥିଲା। ଦମକଳ ନିଆଁ ଲିଭାଇବା ବେଳେ ଅଧିକାଂଶ ସୋଲାର ପ୍ଲେଟ୍ ଜଳି ନଷ୍ଟ ହୋଇଥିଲା। ତେବେ ନିଆଁକୁ ଆୟତ୍ତ କରାଯାଇଥିବାରୁ ଅନ୍ୟ ଆଡ଼କୁ ନିଆଁ ବ୍ୟାପି ପାରି ନ ଥିଲା। ପାଖାପାଖି ୨୫ ଲକ୍ଷ ଟଙ୍କାର ସୋଲାର ପ୍ଲେଟ୍ ପୋଡ଼ି ଯାଇଥିବା ଦୋକାନୀଙ୍କ ପକ୍ଷରୁ କୁହାଯାଉଛି। ତେବେ ପ୍ରକୃତ ପରିମାଣ ଯାଞ୍ଚ ପରେ ଜଣାପଡ଼ିବ।