ପୁରୀ ଅଫିସ୍,୯।୩: ପୁରୀ ବଡ଼ଦାଣ୍ଡରେ ଅଭାବନୀୟ ଘଟଣା। ବଡଦାଣ୍ଡସ୍ଥିତ ମର୍ଚିକୋଟ ଛକରେ ଥିବା ହୋଟେଲ ସମ୍ରାଟରେ ନିଆଁ ଲାଗିଯାଇଛି। ନିଆଁ ଲିଭେଇବାରେ ପ୍ରାୟ ୧୨ଟି ଦମକଳ ବାହିନୀ ନିୟୋଜିତ ଅଛନ୍ତି। ବୁଧବାର ରାତି ୮ରୁ ଲାଗିଥିବା ନିଆଁକୁ ଏପର୍ଯ୍ୟନ୍ତ ଆୟତ୍ତ କରାଯାଇପାରିନାହିଁ। ହୋଟେଲ ସମ୍ରାଟ ତଳେ ୪୦ଟି ଦୋକାନ ଘର ଥିବାବେଳେ ଏକ କପଡା ଦୋକାନରେ ସର୍ଟସର୍କିଟ ଯୋଗୁ ନିଆଁ ଲାଗିଥିଲା। ନିଆଁ ଲାଗିବା ଯୋଗୁ ଉପର ଗେଷ୍ଟ ହାଉସ ଧୂଆଁ ହୋଇଯାଇଥିଲା ଫଳରେ ୩ ଜଣ ପର୍ଯ୍ୟଟକ ଶ୍ୱାସରୁଦ୍ଧ ହୋଇ ସଦର ମୁଖ୍ୟ ଚିକିତ୍ସାଲୟରେ ଭର୍ତ୍ତି ହୋଇଛନ୍ତି। ନିଆଁର ପ୍ରଭାବ ଏତେ ଥିଲା ଯେ ସମସ୍ତଙ୍କୁ ଉଦ୍ଧାର କରିବା ପାଇଁ ନାକେଦମ ହୋଇପଡ଼ିଛି।
