ଛତ୍ରପୁର,୮ା୧(ଦିଲ୍ଲୀପ ସାମଲ): ଅଦିନିଆ ବର୍ଷାରେ ଚାଷୀର ମେରୁଦଣ୍ଡ ଭାଙ୍ଗି ଯାଇଥିବା ବେଳେ ପୁଣି ଧାନଗଦାରେ ନିଆଁ ଲାଗି ଚାଷୀ ସର୍ବସ୍ବାନ୍ତ ହୋଇପଡ଼ିଛି। ଏପରି ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲା ଛତ୍ରପୁର ବ୍ଲକ ଅନ୍ତର୍ଗତ ସିଙ୍ଗିପୁର ଗ୍ରାମରେ। ବୁଧବାର ଅପରାହ୍ନରେ ହଠାତ୍ ଧାନଗଦାରେ ନିଆଁ ଲାଗିଥିବା ଚାଷୀମାନେ ଦେଖିବା ଫଳରେ ସଙ୍ଗେ ସଙ୍ଗେ ଛତ୍ରପୁର ଫାୟାର ଷ୍ଟେଶନକୁ ସୂଚନା ଦେଇଥିଲେ। ଖବର ପାଇ ଅଗ୍ନିଶମ କର୍ମଚାରୀମାନେ ସେଠାରେ ପହଞ୍ଚି ଧାନଗଦାରେ ଲାଗିଥିବା ନିଆଁ ଲିଭାଇବା ସହିତ ଅନ୍ୟାନ୍ୟ ଧାନଗଦାରେ ଲାଗିବା ପୂର୍ବରୁ ନିଆଁକୁ ଆୟତ କରିଥିଲେ। କିଛି ଧାନ ପୋଡ଼ି ପାଉଁଶ ହୋଇଯାଇଥିବାବେଳେ ଆଉ କିଛି ଚାଷୀଙ୍କ ଧାନଗଦା ରକ୍ଷା ପାଇଯାଇଛି।