ପାଟଣା,୮।୮(ବୀର କିଶୋର ଦାଶ): କେନ୍ଦୁଝର ଜିଲା ସାହାରପଡା ବ୍ଲକ ରାଇଡିହା ପଞ୍ଚାୟତ ଜାରକାଣି ବେଡା ଗ୍ରାମର ଜଣେ ୪୧ ବର୍ଷୀୟ ବ୍ୟକ୍ତିଙ୍କୁ ସୋମବାର ପାଟଣା ପୋଲିସ ଗିରଫ କରି କୋର୍ଟ ଚାଲାଣ କରିଛି। ଜଣେ ସମ୍ପର୍କୀୟ ଭଉଣୀଙ୍କୁ ତୀର ମାରିବା ଅଭିଯୋଗରେ ଗିରଫ ହୋଇଥିବା ଜଣାପଡ଼ିଛି। ଗିରଫ ବ୍ୟକ୍ତି ଜଣକ ହେଉଛନ୍ତି ମନ ମୋହନ ମହାନ୍ତ।
ଅଭିଯୋଗ ଅନୁଯାୟୀ, ଗତ ଶନିବାର ମନ ପରିବାର ଲୋକେ ବିଲରେ ଧାନ ତଳି ପୋତୁ ଥିବା ବେଳେ ତାଙ୍କ ବଡବାପା ଝିଅ ବଉଳ ବତୀ ମହାନ୍ତ ମଧ୍ୟ ଧାନ ତଳି ପୋତୁ ଥିଲେ। ମନ ହିଡ କତି କାଟୁ ଥିବା ବେଳେ ବଉଳ ତାଙ୍କ ହିଡକୁ ବେଶୀ କାଟି ଦେଉଥିବାର ଅଭିଯୋଗ କରିଥିଲେ। ଏହାପରେ ଦୁହିଁଙ୍କ ମଧ୍ୟରେ ବଚସା ହୋଇଥିଲା। ମନ ଏଥିରେ ଉତକ୍ଷିପ୍ତ ହୋଇ ତୁ ତ ଝିଅ ପିଲାଟା ଖଡିକା ପଦାରେ ବାହା ହୋଇଛୁ ଏଠି କାହିଁକି ଆସି ଗଣ୍ଡଗୋଳ କରୁଛୁ କହି ତୋତେ ଜୀବନରୁ ମାରୀ ଦେବି କହି ଧନୁରେ ତୀର ମାରିଥିଲେ। ତେବେ ବଉଳ ଘୁଞ୍ଚି ଯିବାରୁ ମନର ଲକ୍ଷ ଚ୍ୟୁତ ହୋଇଥିଲା । ଫଳରେ ବଉଳ ଅଳ୍ପକେ ବର୍ତ୍ତୀ ଯାଇଥିଲେ। ଏ ନେଇ ସେ ସାହାରପଡା ଫାଣ୍ଡିରେ ଅଭିଯୋଗ କରିଥିଲେ। ଶନିବାରଠାରୁ ମନ ମୋହନ ଫେରାର ଥିଲେ। ସୋମବାର ସାହାରପଡା ପୋଲିସ ତାଙ୍କୁ ଗାଁରୁ ଗିରଫ କରି କୋର୍ଟ ଚାଲାଣ କରିଛି। ଏନେଇ ପାଟଣା ଥାନାରେ ୧୩୧/୨୩ ରେ ଏକ ମାମଲା ରୁଜୁ ହୋଇଥିବା ସାହାରପଡା ଫାଣ୍ଡି ଅଧିକାରୀ ଶିବ ଶଙ୍କର ଆଲଦା କହିଛନ୍ତି।