ନୂଆଦିଲ୍ଲୀ,୩ା୯: ଭାରତୀୟ ପୁରୁଷ ହକି ଦଳ ଏସିଆ କପ ଫାଇଭସ୍ ଫାଇନାଲରେ ପାକିସ୍ତାନକୁ ପରାସ୍ତ କରି ଟାଇଟଲ ଜିତିଛି। ପେନାଲ୍ଟି ଶୁଟଆଉଟରେ ଭାରତ ୨-୧ରେ ଜିତିଥିଲା। ଫୁଲ ଟାଇମ ଶେଷରେ ମ୍ୟାଚ ୪-୪ ଡ୍ରରେ ଶେଷ ହୋଇଥିଲା, ଯେଉଁ କାରଣରୁ ଫଳାଫଳ ସ୍ଥିର କରିବାକୁ ପେନାଲ୍ଟି ଶୁଟଆଉଟ କରିବାକୁ ପଡିଥିଲା। ଗୋଟିଏ ପଟେ ଭାରତୀୟ କ୍ରିକେଟ ଦଳ ଶନିବାର ପାକିସ୍ତାନ ବିପକ୍ଷରେ ଫ୍ଲପ ହୋଇଥିବାବେଳେ ହକି ଦଳ ଜିତିଛି।
ମଣିନ୍ଦର ସିଂ ଏବଂ ଗୁରୁଜିତ ସିଂ ଶୁଟଆଉଟରେ ଭାରତ ପାଇଁ ଗୋଲ ସ୍କୋର କରିଥିଲେ। ଭାରତର ଉଇକେଟ କିପର ସୁରଜ କରକେରା ପାକିସ୍ତାନର ଆର୍ଶାଦ ଲିଆକାଟ ଏବଂ ମହମ୍ମଦ ମୋର୍ତ୍ତେଜାଙ୍କୁ ଶୁଟଆଉଟରେ ଗୋଲ ସ୍କୋର କରିବାକୁ ଅଟକାଇଥିଲେ। ଭାରତ ପାଇଁ ପୂରା ସମୟରେ ମହମ୍ମଦ ରାହୁଲ ଦୁଇଟି ଗୋଲ ସ୍କୋର କରିଥିଲେ। ଏହା ବ୍ୟତୀତ ଯୁଗରାଜ ସିଂ ଏବଂ ମଣିନ୍ଦର ସିଂ ଗୋଟିଏ ଲେଖାଏଁ ଗୋଲ ସ୍କୋର କରିଥିଲେ। ୧୯ ଓ ୨୬ ମିନିଟରେ ରାହୁଲ ଦଳ ପାଇଁ ଗୋଲ ସ୍କୋର କରିଥିଲେ। ସପ୍ତମ ମିନିଟରେ ଜୁରାଜ ସିଂ ଗୋଟିଏ ଗୋଲ ସ୍କୋର କରିଥିଲେ ଏବଂ ଦଶମ ମିନିଟରେ ମଣିନ୍ଦର ସିଂ ଗୋଟିଏ ଗୋଲ ସ୍କୋର କରିଥିଲେ। ଫାଇନାଲରେ ବିଜୟ ପାଇଁ ପ୍ରଧାନମନ୍ତ୍ରୀ ମଧ୍ୟ ଅଭିନନ୍ଦନ ଜଣାଇଛନ୍ତି। ନରେନ୍ଦ୍ର ମୋଦି ଟୁଇଟ୍ କରି କହିଛନ୍ତି, ହକି ୫ଏସ୍ ଏସିଆ କପରେ ଚାମ୍ପିୟନ !! ପୁରୁଷ ହକି ଦଳକୁ ଏକ ଚମତ୍କାର ବିଜୟ ପାଇଁ ଅଭିନନ୍ଦନ। ଏହା ଆମ ଖେଳାଳିଙ୍କ ଅଦମ୍ୟ ଉତ୍ସର୍ଗର ଏକ ପ୍ରମାଣ ଏବଂ ଏହି ବିଜୟ ସହିତ ଆମେ ଆସନ୍ତା ବର୍ଷ ଓମାନରେ ହେବାକୁ ଥିବା ହକି ବିଶ୍ୱକପରେ ଆମର ସ୍ଥିତି ସୁରକ୍ଷିତ କରିଛୁ। ଆମର ଖେଳାଳିଙ୍କ ଆଭିମୁଖ୍ୟ ଏବଂ ନିଷ୍ଠା ଆମ ଦେଶକୁ ପ୍ରେରଣା ଯୋଗାଉଛି।
ଗତକାଲି ଏସିଆ କପ୍ରେ ଭାରତ ଏବଂ ପାକିସ୍ତାନ କ୍ରିକେଟ୍ ମ୍ୟାଚ୍ ଖେଳାଯାଇଥିଲା। ଏହି ମ୍ୟାଚ ବର୍ଷା ଯୋଗୁ ରଦ୍ଦ ହୋଇଛି।