ପୁରୀ,୪ା୮: ପୁରୀ ଜିଲା କୃଷ୍ଣପ୍ରସାଦର ଜହ୍ନିକୁଦା ନିକଟରେ ରବିବାର ବନବିଭାଗର ଏକ ପାଟ୍ରୋଲିଂ ଗାଡ଼ି ଚିଲିକା ମଝିରେ ଫସିରହିଛି। ଯାନ୍ତ୍ରିକ ତ୍ରୁଟି ଯୋଗୁ ଡଙ୍ଗାଟି ଫସି ଯାଇଥିବା ଜଣାପଡ଼ିଛି। ଏଥିରେ ବନବିଭାଗର ୪ ଜଣ କର୍ମଚାରୀ ରହିଛନ୍ତି। ଫସିଥିବା ବନ କର୍ମଚାରୀମାନେ ଚିଲିକାର ନୂଆପଡ଼ା ବନ୍ୟପ୍ରାଣୀ ଡିଭିଜନର ଅଟନ୍ତି। ସେମାନେ ଡଲ୍ଫିନ୍ ସୁରକ୍ଷା ପାଇଁ ଚିଲିକାକୁ ଯାଇଥିଲେ। ଖବର ଲେଖାହେବା ସୁଦ୍ଧା ସେମାନେ ଉଦ୍ଧାର ହୋଇପାରିନାହାନ୍ତି।