କୃଷ୍ଣପ୍ରସାଦ,୨୦ା୧୨(ଡି.ଏନ୍.ଏ.):ପୁରୀ ଜିଲା କୃଷ୍ଣପ୍ରସାଦ ବ୍ଲକ ଜହ୍ନିକୁଦା ଘାଟ ଚିଲିକାରେ ପୁଣି ଅଘଟଣ ଘଟିଛି। ସୋମବାର ଏକ ପିକ୍ଅପ୍ ଭ୍ୟାନ ଭାରସାମ୍ୟ ହରାଇ ତଳକୁ ଖସି ଡଙ୍ଗାରେ ପିଟି ହୋଇଯାଇଥିଲା। ଫଳରେ ଡଙ୍ଗାର କିଛି ଅଂଶ ଭାଙ୍ଗିଯିବା ସହ ବୁଡ଼ିଯାଇଥିଲା। ଡଙ୍ଗା ଓ ଭ୍ୟାନରେ ଥିବା ଗ୍ୟାସ୍ ସିଲିଣ୍ଡର ଚିଲିକାରେ ଭାସିଥିଲା। ଅପରାହ୍ନରେ ଗ୍ୟାସ ସିଲିଣ୍ଡର ବୋଝେଇ ଏକ ଡଙ୍ଗା ସାତପଡ଼ାରୁ ଜହ୍ନିକୁଦା କୂଳକୁ ଆସିଥିଲା। କୃଷ୍ଣପ୍ରସାଦ ଚାରିଛକରୁ ଏକ ପିକ୍ଅପ୍ ଭ୍ୟାନ ଗ୍ୟାସ ସିଲିଣ୍ଡର ନେବା ପାଇଁ ପହଞ୍ଚିଥିଲା। ଡଙ୍ଗାରୁ ଗ୍ୟାସ୍ ସିଲିଣ୍ଡର ଭ୍ୟାନରେ ଲୋଡ୍ ହେଉଥିବା ବେଳେ ଭାରସାମ୍ୟ ହରାଇ ଗାଡିଟି ଚିଲିକାକୁ ଖସି ଡଙ୍ଗାରେ ପିଟି ହୋଇଯାଇଥିଲା। ଫଳରେ ଡଙ୍ଗାର କିଛି ଅଂଶ ଭାଙ୍ଗିଯିବା ସହ ବୁଡ଼ିଯାଇଥିଲା। ଏପରିକି ଭ୍ୟାନଟି ମଧ୍ୟ ଚିଲିକାରେ ଫସିଯାଇଥିଲା। ଫଳରେ ଗ୍ୟାସ୍ ସିଲଣ୍ଡର ପାଣିରେ ଭାସିଥିଲା। ଏହା ପରେ ସେଠାରେ ଉପସ୍ଥିତ ଲୋକେ ଡଙ୍ଗା, ଭ୍ୟାନକୁ ଉପରକୁ ଆଣିବା ସହ ଭାସୁଥିବା ଗ୍ୟାସ୍ ସିଲିଣ୍ଡରକୁ ଉଦ୍ଧାର କରିଥିଲେ।