ନୂଆଦିଲ୍ଲୀ: ଡିଜିଟାଲ ମାର୍କେଟିଂର ସମୟରେ ଲୋକମାନେ ଟଙ୍କା ରୋଜଗାର କରିବାର ନୂଆ ନୂଆ ଉପାୟ ଆପଣାଉଛନ୍ତି। ଏହି କ୍ରମରେ ଜଣେ ଯୁବତୀ ନିଜ ପାଦର ଫଟୋ ବିକ୍ରି କରି ପ୍ରତ୍ୟେହ ହଜାର ହଜାର ଟଙ୍କା ରୋଜଗାର କରୁଛନ୍ତି। ଆଶ୍ଚର୍ଯ୍ୟ ଲାଗିଲେ ବି କଥାଟି ସତ। ଯୁବତୀଜଣଙ୍କ ହେଲେ କ୍ୟାଟ୍ ମାମା। ସେ ଜଣେ ଟିକ୍ଟକ୍ ବ୍ୟବହାରକାରୀ। ଟିକ୍ଟକ୍ରେ ତାଙ୍କର ୨୭,୩୦୦ ଫଲୋଅର୍ସ। ମାମା ନିଜର ପାଦକୁ ବେଶ ଆକର୍ଷଣୀୟ କରିଛନ୍ତି। ଭଳିକି ଭଳି ନେଲପଲିସ, ଗହଣା, ନଖ, ପାଉଁଜି, ଝୁଣ୍ଟିଆ ଆଦି ସେ ଲଗାଇଥାନ୍ତି। ଯିଏ ତାକୁ ଦେଖିବ ଘଡ଼ିଏ ଚାହିଁ ରହିବ। କେବଳ ପାଦର ଫଟୋ ଓ ଭିଡିଓ ପୋଷ୍ଟ କରି ସେ ଦିନକୁ ୬୦ ହଜାର ପର୍ଯ୍ୟନ୍ତ ରୋଜଗାର କରନ୍ତି। କେବେକେବେ ତାଙ୍କ ଆୟ ଏହାଠାରୁ ଅଧିକ ଥାଏ।