ବ୍ରାଜିଲର ବ୍ରୁନାଙ୍କୁ ବେଶ୍ ପସନ୍ଦ ପିଙ୍କ୍ ବା ଗୋଲାପୀ ରଙ୍ଗ। ତାଙ୍କୁ ଏହି ରଙ୍ଗ ଏତେ ପସନ୍ଦ ଯେ, ସେ ଏହାକୁ ନିଜ ଜୀବନର ଏକ ଅଂଶରେ ପରିଣତ କରିଦେଇଛନ୍ତି। ଅର୍ଥାତ୍ ଘରର ରଙ୍ଗଠାରୁ ଆରମ୍ଭ କରି ଆସବାବପତ୍ର, ବାସନକୁସନ, ପୋଷାକ ସବୁକିଛି ତାଙ୍କର ଗୋଲାପୀ ରଙ୍ଗର। ସେଥିପାଇଁ ତାଙ୍କ ପ୍ରକୃତ ନାମ ବ୍ରୁନା କାରୋଲେନା ପେରେସ୍ ହୋଇଥିଲେ ହେଁ ଅନେକେ ତାଙ୍କୁ ବ୍ରୁନା ବାର୍ବି ବୋଲି କହନ୍ତି। ଛୋଟ ବେଳରୁ ହିଁ ତାଙ୍କର ଗୋଲାପୀ ରଙ୍ଗ ପ୍ରତି ଦୁର୍ବଳତା ଆସିଥିଲା। ସବୁବେଳେ ଗୋଲାପୀ ରଙ୍ଗର ଡ୍ରେସ୍ ପିନ୍ଧୁଥିଲେ। ବ୍ରୁନା ନିଜ ଘରକୁ ଗୋଲାପୀ ରଙ୍ଗର ସ୍ବର୍ଗ କରିବା ଲାଗି ଖର୍ଚ୍ଚ କରିଛନ୍ତି ୯୨,୦୦୦ ଡଲାର। ଘରର ଇଣ୍ଟେରିୟର୍, ପୁଲ୍, ଘର ଚାରିକଡ଼ ବାଡ ସବୁକିଛି ଗୋଲାପୀ ରଙ୍ଗର। ୨୦୧୩ରୁ ବ୍ରୁନା ନିଜ ପିଙ୍କ୍ ଲାଇଫ୍ ଷ୍ଟାଇଲ୍ର ଫଟୋ ସୋସିଆଲ ମିଡିଆରେ ଶେୟାର୍ କରିବା ଆରମ୍ଭ କରିଥିଲେ। ଆଉ ଧୀରେ ଧୀରେ ତାଙ୍କର ଫଲୋୟର୍ ବଢ଼ି ଚାଲିଲେ। ଆଉ ସେ ପାଲଟିଗଲେ ସୋସିଆଲ ମିଡିଆ ଇନ୍ଫ୍ଲୁଏନ୍ସର।