ଟ୍ରାଫିକ୍ ନିୟମ ଉଲ୍ଲଂଘନ କଲେ ଜରିମାନା ଲାଗିବା ସାଧାରଣ କଥା। ହେଲେ ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରେ ଏକ ମଜାଦାର ଘଟଣା ଘଟିଛି। ଜଣେ ମହିଳା ଟ୍ରାଫିକ୍ ନିୟମ ଉଲ୍ଲଂଘନ କରିଥିଲେ। ପୋଲିସ ତାଙ୍କର ଚାଲାଣ କାଟିବା ସମୟରେ ସେ ହାଇ ଭୋଲ୍ଟେଜ୍ ଡ୍ରାମା କରିଥିଲେ। ଘଟଣାର ଭିଡିଓ ଭାଇରାଲ ହେବା ପରେ ଲୋକମାନେ ଭଳିକି ଭଳି ପ୍ରତିକ୍ରିୟା ରଖୁଛନ୍ତି।
ମହିଳାଜଣଙ୍କ ସ୍କୁଟିରେ ଯାଉଥିବା ବେଳେ ଟ୍ରାଫିକ୍ ନିୟମ ଭାଙ୍ଗିଥିଲେ। ଏହି ସମୟରେ ପୋଲିସ ତାଙ୍କୁ ଅଟକାଇ ଚାଲାଣ କାଟିଥିଲା। ହେଲେ ମହିଳାଜଣଙ୍କ ପୋଲିସ ସହ ଯୁକ୍ତିତର୍କ କରିବା ଆରମ୍ଭ କରିଥିଲେ। ପରେ ରାଗିଯାଇ ପୋଲିସକର୍ମୀଙ୍କ ଏଟିଏମ୍ କାର୍ଡ ଏବଂ ତାଙ୍କର ଟୋପିକୁ ନିଜ ସ୍କୁଟି ଡିକିରେ ରଖି ବନ୍ଦ କରିଦେଇଥିଲେ। ଫଳରେ ଦୀର୍ଘ ସମୟ ଧରି ଉତ୍ତେଜନା ଦେଖାଦେଇଥିଲା।
ଘଟଣାଟି ଲକ୍ଷ୍ନୌର ସମତାମୂଲକ ଏବଂ ୧୦୯୦ ମଝିରେ ଆସୁଥିବା ଗୋମତୀ ନଦୀ ବ୍ରିଜ୍ ଉପରେ ଘଟିଛି। ବ୍ରିଜ୍ ଉପର ଦେଇ ମହିଳା ଯାଉଥିବା ବେଳେ ସେଠାରେ ନିୟୋଜିତ ହୋଇଥିବା ପୋଲିସ ତାଙ୍କ ଗାଡ଼ିର ଫଟୋ ଉଠାଇନେଇଥିଲେ। ଏହାଦେଖି ମହିଳା ଗାଡ଼ିର କାଗଜପତ୍ର ଠିକ ଥିବା ସତ୍ତ୍ୱେ ଏଭଳି କାହିଁକି କଲ ବୋଲି ପଚାରିଥିଲେ। ଜବାବରେ ୧୦୯୦ ଛକରେ ସିଗ୍ନାଲ ନ ମାନି ଚାଲି ଆସିଥିବା କଥା ପୋଲିସ କର୍ମଚାରୀ କହିଥିଲେ। ଏହାଶୁଣି ରାଗି ଯାଇଥିଲେ ଉକ୍ତ ମହିଳା। ତାଙ୍କର ତୁମୁଳକାଣ୍ଡ ପରେ ସେଠାରେ ଲୋକମାନେ ଗଦା ହେବାରେ ଲାଗିଥିଲେ। ସେମାନେ ମହିଳାଙ୍କୁ ବୁଝାଇଥିଲେ। ଶେଷରେ ମହିଳାଜଣଙ୍କ ପୋଲିସ କର୍ମଚାରୀଙ୍କ ସାମଗ୍ରୀ ଫେରାଇଥିବା ଜଣାପଡ଼ିଛି। ତେବେ ଭିଡିଓ ଭାଇରାଲ ପରେ ଏହା ଏବେ ବେଶ୍ ଚର୍ଚ୍ଚାର ବିଷୟ ପାଲଟିଛି।
राजधानी लखनऊ में युवती का हाई वोल्टेज ड्रामा..1090 चौराहे पर युवती ने किया बवाल..चालान काटे जाने से नाराज थी युवती..दारोगा की टोपी,मोबाइल डिग्गी में रखा..चालान काटने पर पुलिस से अभद्रता की…गोमती नगर थाना क्षेत्र का मामला @lkopolice @brijeshsingnews @iamkhushR @RanvjP @Uppolice pic.twitter.com/sfZpLpFXgd
— Journalist Sandeep Shukla (@shuklasandeep74) March 19, 2021
