ବେଗୁନିଆପଡ଼ା,୫।୧୨(ଡି.ଏନ.ଏ): ରାଜ୍ୟ ସରକାର ମିଶନ ଶକ୍ତି ମାଧ୍ୟମରେ ମହିଳାମାନଙ୍କୁ ସ୍ବାବଲମ୍ବୀ କରିବା ପାଇଁ ବିଭିନ୍ନ ଯୋଜନା ହାତକୁ ନେଉଛନ୍ତି। ଏଥିପାଇଁ ମିଶନ ଶକ୍ତି ମାଧ୍ୟମରେ କୋଟି କୋଟି ଟଙ୍କା ଖର୍ଚ୍ଚ ହେଉଛି।
ବିଭିନ୍ନ ପଞ୍ଚାୟତରେ ମିଶନ ଶକ୍ତି ଗୃହ ନିର୍ମାଣ ମଧ୍ୟ କରାଯାଉଛି। ତେବେ ମିଶନ ଶକ୍ତି ଗୃହ ନିର୍ମାଣ ହେଉ ନ ଥିବାରୁ ଗଞ୍ଜାମ ଜିଲା ବେଗୁନିଆପଡ଼ା ବ୍ଳକ୍ରେ ତାତିଛନ୍ତି ମହିଳା ଗୋଷ୍ଠୀ। ମିଶନ ଶକ୍ତି ଗୃହ ନ ଥିବାରୁ ବେଗୁନିଆପଡ଼ା ବ୍ଳକ ଅଗାଁର ଗାଁ ପଞ୍ଚାୟତରେ ମହିଳା ସଦସ୍ୟାମାନେ ଅସନ୍ତୋଷ ପ୍ରକାଶ କରିଛନ୍ତି। ଦୀର୍ଘ ଦିନ ହେଲାଣି ଅଙ୍ଗାରଗାଁ ପଞ୍ଚାୟତରେ ମିଶନ ଶକ୍ତିର ନିଜସ୍ବ ଗୃହ ନାହିଁ। ଫଳରେ ସୟଂ ସହାୟିକା ଗୋଷ୍ଠୀର ମହିଳାମାନେ ବିଭିନ୍ନ କାର୍ଯ୍ୟକ୍ରମ କରିବା ପାଇଁ ଅସୁବିଧା ହେଉଥିବା କହିଛନ୍ତି। ସୋମବାର ମହିଳା ସଂଘର କିଛି ସଦସ୍ୟା ମିଶନ ଶକ୍ତି ଗୃହ ନିର୍ମାଣ ଦାବି କରି ପଞ୍ଚାୟତ କାର୍ଯ୍ୟାଳୟ ଫାଟକରେ ତାଲା ପକାଇ ପ୍ରତିବାଦ କରିଥିବା ଦେଖିବାକୁ ମିଳିଛି। ପରେ ବ୍ଲକ ଅଧିକାରୀ ପହଞ୍ଚି ବୁଝାସୁଝା କରିବା ପରେ ଗେଟ୍ ଖୋଲା ଯାଇଥିଲା।
