ଓ୍ବାଶିଂଟନ,୨୩ା୪: ପ୍ରଥମ ବିଶ୍ୱଯୁଦ୍ଧ ପରେ ଦୁନିଆର ସବୁଠାରୁ ବିନାଶକାରୀ ଯୁଦ୍ଧ ଥିଲା ଦ୍ୱିତୀୟ ବିଶ୍ୱଯୁଦ୍ଧ। ଏହି ଯୁଦ୍ଧରେ ଜାପାନ, ଜର୍ମାନୀ ଏବଂ ପୋଲାଣ୍ଡ ଭଳି ଦେଶରୁ ଲକ୍ଷ ଲକ୍ଷ ଲୋକ ପ୍ରାଣ ହରାଇଥିଲେ। ଏଥିରେ ଆମେରିକା, ବ୍ରିଟେନ, ଫ୍ରାନ୍ସ ଏବଂ ରୁଷିଆ ଭଳି ଦେଶ ଗୋଟିଏ ପଟେ ଥିଲେ, ସେମାନଙ୍କୁ ମଧ୍ୟ ବହୁ କ୍ଷତି ସହିବାକୁ ପଡ଼ିଥିଲା। ୧୯୪୨ରେ ଆମେରିକାର ଏକ ବୁଡ଼ାଜାହାଜ ଆକ୍ରମଣରେ ଏକ ବୃହତ ଜାପାନୀ ଜାହାଜ ସମୁଦ୍ରରେ ବୁଡ଼ିଯାଇଥିଲା। ବର୍ତ୍ତମାନ ୮୦ ବର୍ଷ ପରେ ଏହି ଜାହାଜ ମିଳିଛି।
ଫିଲିପାଇନ୍ସର ଦକ୍ଷିଣ ଚାଇନା ସାଗରରେ ଏହି ଜାହାଜର ଧ୍ୱଂସାବଶେଷ ସପ୍ତାହ ପୂର୍ବରୁ ମିଳିଥିଲା। ଅଷ୍ଟ୍ରେଲୀୟ ପ୍ରତିରକ୍ଷା ବିଭାଗ, ଅଷ୍ଟ୍ରେଲିଆର ସାଇଲେଣ୍ଟଓ୍ବାଲର୍ଡ ଫାଉଣ୍ଡେଶନର ସାମୁଦ୍ରିକ ପ୍ରତ୍ନତତ୍ତ୍ୱବିତ୍ ତଥା ଡଚ୍ ଡିପ୍ ସି ସର୍ବେକ୍ଷଣ କମ୍ପାନୀ ‘ଫୁଗ୍ରୋ’ ଦ୍ୱାରା ଏହା ଆବିଷ୍କୃତ ହୋଇଥିଲା। ଫିଲିପାଇନ୍ସର ଉପକୂଳରୁ ଏହି ମାସ ଆରମ୍ଭରେ ସର୍ଚ୍ଚ ଅପରେଶନ ଆରମ୍ଭ କରାଯାଇଥିଲା। ଏହି ଦୁର୍ଘଟଣା ଏକ ଡଜନରୁ ଅଧିକ ଦେଶକୁ ପ୍ରଭାବିତ କରିଥିଲା। ଡେନମାର୍କ, ନ୍ୟୁଜିଲାଣ୍ଡ ଏବଂ ଆମେରିକା ମଧ୍ୟ କ୍ଷତି ସହିଛନ୍ତି।
ଅଷ୍ଟ୍ରେଲିଆର ସାଇଲେଣ୍ଟଓ୍ବାଲର୍ଡ ଫାଉଣ୍ଡେଶନ ଗତ ୧୨ ଦିନ ଧରି ଏହାକୁ ଖୋଜୁଛି। ଜାହାଜର ଧ୍ୱଂସାବଶେଷ ମିଳିଲେ ଏଥିରେ କୌଣସି ପରିବର୍ତ୍ତନ ହେବ ନାହିଁ। ଯୁଦ୍ଧର ୮୦ ବର୍ଷ ପରେ ଏହି ଜାହାଜର ଧ୍ୱଂସାବଶେଷ ପାଇବା ଏକ ବଡ଼ କଥା, କାରଣ ଏହା ଟାଇଟନିକ୍ ଅପେକ୍ଷା ଅଧିକ ଗଭୀରତାରେ ମିଳିଛି। ତେଣୁ ଏହି ଜାହାଜର ଧ୍ୱଂସାବଶେଷ ଗବେଷଣା ପାଇଁ ରଖାଯିବ।
ଅଷ୍ଟ୍ରେଲୀୟ ପ୍ରଧାନମନ୍ତ୍ରୀ ଆନ୍ଥୋନୀ ଆଲ୍ବାନିଜ୍ ଟୁଇଟ୍ କରି କହିଛନ୍ତି, ୧୯୪୨ ଜୁଲାଇ ୧ରେ ଫିଲିପାଇନ୍ସ ନିକଟରେ ବୁଡ଼ି ଯାଇଥିବା ଜାପାନର ପରିବହନ ଜାହାଜ ‘ଏସ୍ଏସ୍ ମୋଣ୍ଟେଭିଡିଓ ମାରୁ’ର ଧ୍ୱଂସାବଶେଷର ଆବିଷ୍କାର । ସେ କହିଛନ୍ତି, ମୁଁ ଆଶା କରୁଛି ଏହି ଦୁର୍ଘଟଣାରେ ମୃତ୍ୟୁବରଣ କରିଥିବା ଲୋକଙ୍କ ପରିବାର ବର୍ତ୍ତମାନ ନିଶ୍ଚିତ ଭାବରେ କିଛି ଆରାମ ପାଇଥିବେ।