ବିଞ୍ଝାରପୁର,୪ା୧୦(ଡି.ଏନ.ଏ.): ମୋବାଇଲରେ ଗେମ୍ ଖେଳିବାକୁ ମା’ ବିରୋଧ କରିବାରୁ ଜଣେ ନାବାଳକ ରବିବାର ନଦୀକୁ ଡେଇଁ ଆତ୍ମହତ୍ୟା କରିଛନ୍ତି। ଯାଜପୁର ଜିଲା ବିଞ୍ଝାରପୁର ଥାନା ଚନ୍ଦ୍ରମୁଁ ପଞ୍ଚାୟତ ବାଣପୁର ଗ୍ରାମରେ ଏହି ଘଟଣା ଘଟିଛି। ଗ୍ରାମର ନାବାଳକ ଜଣକ ଶନିବାର ଅପରାହ୍ନରେ ମୋବାଇଲରେ ଗେମ୍ ଖେଳୁଥିଲେ। ମାତ୍ର ତାଙ୍କ ମା’ ବିରକ୍ତି ହେବା ସହ ମୋବାଇଲ ଛଡାଇ ନେଇଥିଲେ। ଏହି କଥାକୁ କେନ୍ଦ୍ରକରି ନାବାଳକ ରାଗିକି ଘରୁ କେଉଁଆଡେ ଚାଲିଯାଇଥିଲେ। ସନ୍ଧ୍ୟା ହେବାରୁ ପରିବାର ଲୋକେ ବହୁ ଖୋଜାଖୋଜି କରିଥିଲେ ମଧ୍ୟ ପାଇ ନ ଥିଲେ। ନଦୀକୂଳରେ ତାଙ୍କ ଜୋତା ପଡ଼ିଥିବାରୁ ସେ ବୁଡିଯାଇଥିବା ସନ୍ଦେହ କରାଯାଇଥିଲା। ରବିବାର ପୂର୍ବାହ୍ନରେ ଖରସ୍ରୋତା ନଦୀର ମଲିଆ ନିକଟରେ ତାଙ୍କ ମୃତଦେହ ଭାସୁଥିବା ସ୍ଥାନୀୟ ଲୋକେ ଦେଖି ଉଦ୍ଧାର କରିଥିଲେ। ଏଏସ୍ଆଇ ସଞ୍ଜୀବ କୁମାର ଥାଟୋଇ ପହଞ୍ଚତ୍ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ଜିଲା ମୁଖ୍ୟ ଚିକିତ୍ସାଳୟକୁ ପଠାଇଥିଲେ। ଏନେଇ ଏକ ଅପମୃତ୍ୟୁ ମାମଲା ରୁଜୁ ହୋଇଛି।