ପ୍ରେମ କାହା ସହ କେତେବେଳେ କେଉଁ ପରିସ୍ଥିତିରେ ହେବ କହି ହେବ ନାହିଁ। ଠିକ୍ ଏମିତି ଘଟିଛି ବ୍ରିଟେନର ଜଣେ ମହିଳା ଜେଲରଙ୍କ କ୍ଷେତ୍ରରେ। ଏହି ମହିଳା ଜେଲର ଜଣକ କଏଦୀଙ୍କ ପ୍ରେମରେ ପଡ଼ିବା ପରେ ତାଙ୍କୁ ଜେଲ୍ ଦଣ୍ଡାଦେଶ ହୋଇଛି। ସ୍କାରଲେଟ୍ ଏଲ୍ଡରିଚ୍ ନାମକ ଏହି ମହିଳା ଜଣେ ଅପରାଧୀଙ୍କ ସହ ପ୍ରେମସମ୍ପର୍କ ରଖିଥିଲେ। ଜେଲ୍ ଅଧିକାରୀଙ୍କୁ ଏକଥା ଜଣାପଡ଼ିଲା ଯେତେବେଳେ ମହିଳା ଜେଲର ଡାକ୍ତରୀ ପରୀକ୍ଷା ଦେବାକୁ ଗଲେ। ସ୍କାରଲେଟ୍ ତାଙ୍କ ଗୋଡ଼ରେ ଏକ ସିକ୍ରେଟ୍ ଟାଟୁ ଆଙ୍କିଥିଲେ। ଏହି ଟାଟୁରେ କଏଦୀଙ୍କ ନମ୍ବର ଲେଖାଥିଲା। ଜେଲ୍ ଅଧିକାରୀ ଏ ବିଷୟ ଜାଣି ଆଶ୍ଚର୍ଯ୍ୟ ହୋଇଥିଲେ।
ସ୍କାରଲେଟ୍ ଏବଂ ତାଙ୍କ ପିତା ହେଉଛନ୍ତି ପୋଲିସ ଅଫିସର। ସେମାନେ ୟାର୍କର ଫୁଲ ସଟନ ଜେଲ୍ରେ କାମ କରନ୍ତି। ଏହି ସମୟରେ ଜଣେ ଅପରାଧୀଙ୍କ ପ୍ରେମରେ ପଡ଼ିଥିଲେ ସ୍କାର୍ଲେଟ୍। ସେ କଏଦୀଙ୍କୁ ପ୍ରେମ ଚିଠି ବି ଦେଉଥିଲେ। ସମସ୍ତ ବିଷୟ ଜଣାପଡ଼ିବା ପରେ ମହିଳା ଜେଲରଙ୍କୁ ଅପରାଧୀଙ୍କ ସହ ସମ୍ପର୍କ ରଖିବା ଅଭିଯୋଗରେ ଜେଲ୍ ଦଣ୍ଡାଦେଶ ଦିଆଯାଇଛି।