ମାଲକାନଗିରି,୨୩ା୧୧(ଡି.ଏନ୍.ଏ.): ମାଲକାନଗିରି ଜିଲା ପୋଲିସ ଓ ସୀମା ସୁରକ୍ଷା ବାହିନୀ ଦ୍ୱାରା ବିପୁଳ ପରିମାଣର ମାଓବାଦୀ ସାମଗ୍ରୀ ଜବତ ହୋଇଛି।
ମାଲକାନଗିରି ଏସ୍.ପି. ନିତେଶ ବାଧ୍ୱାନୀ ଏକ ପ୍ରେସ୍ ବିଜ୍ଞପ୍ତି ଜରିଆରେ ଦେଇଥିବା ସୂଚନାନୁଯାୟୀ, ବିଶେଷ ସୂତ୍ରରୁ ଖବର ପାଇ ଆନ୍ଧ୍ର-ଓଡ଼ିଶା ସୀମାନ୍ତ ଜୋଡାମ୍ବ ଥାନା ଅନ୍ତର୍ଗତ ଧାକଡ଼ପଦର ଗ୍ରାମ ନିକଟ ଜଙ୍ଗଲରେ ଏକ ମାଓବାଦୀ ସାମଗ୍ରୀ ଗଚ୍ଛିତ ଥିବା ଜାଣି ଉକ୍ତ ଅଞ୍ଚଳରେ କମ୍ବିଂ ଅପରେଶନ କରିଥିଲେ। ମଙ୍ଗଳବାର ସନ୍ଧ୍ୟାରେ ଏକ ଗାତରେ ମାଓବାଦୀ ସାମଗ୍ରୀ ଥିବା ଜାଣି ଜବତ କରିଥିଲେ। ଜବତ ହୋଇଥିବା ସାମଗ୍ରୀଗୁଡ଼ିକ ମଧ୍ୟରୁ ଏସ୍.ଏମ୍.ବି.ଏଲ୍. ଗନ୍ ଗୋଟିଏ, ରାଇଫଲ ମାଉଣ୍ଟ ଟେଲିସ୍କୋପ୍, ଗୋଟିଏ, କାଉଣ୍ଟ୍ରି ପିସ୍ତଲ ଗୋଟିଏ, ୭ କେଜି ଟିଫିନ୍ ଆଇଡି ୩ଟି,୩ କେଜିର ଟିଫିନ୍ ଆଇଡି ୩ଟି, ୨ କେଜିର ଟିଫିନ୍ ଆଇଡି ୩। ଅଢେଇ କେଜି ଟିଫିନ୍ ଆଇଡି , ଗୋଟିଏ ଲୁହା ପାଇପ୍, ହ୍ୟାଣ୍ଡ ଗ୍ରେନେଡ୍ ଦୁଇଟି, ଡିଟୋନେଟର, ୩୩ଟି ସାଲାଇନ ବୋତଲ ଆଦି ସାମଗ୍ରୀ ଜବତ କରାଯାଇଥିବା ସୂଚନା ଦେଇଛନ୍ତି।