ନୂଆଦିଲ୍ଲୀ,୧୨।୮: ଦେଶର ସୁରକ୍ଷା ଏବଂ ଗୁପ୍ତଚର ଏଜେନ୍ସି ଅଗଷ୍ଟ ୧୫କୁ ନେଇ ଏକ ବଡ଼ ସତର୍କ ସୂଚନା ଜାରି କରିଛି। ଏହି ସତର୍କ ସୂଚନାରେ ଅଗଷ୍ଟ ୧୫କିମ୍ବା ତା ପୂର୍ବରୁ ଜମ୍ମୁ କଶ୍ମୀରରେ ଏକ ବଡ଼ ଆତଙ୍କବାଦୀ ଆକ୍ରମଣ କରାଯାଇପାରିବ ବୋଲି ସୁରକ୍ଷା ଏଜେନ୍ସି କହିଛି।
ଗୁପ୍ତଚର ଇନପୁଟରେ ଏହା ସ୍ପଷ୍ଟ ଭାବେ କୁହାଯାଇଛି ଯେ ଜମ୍ମୁ କଶ୍ମୀର ଆତଙ୍କବାଦୀଙ୍କ ଟାର୍ଗେଟ, ତେଣୁ ପୋଲିସ ପ୍ରଶାସନକୁ ବହୁତ ସତର୍କ ରହିବା ଆବଶ୍ୟକ। ଏହି ସତର୍କ ସୂଚନା ପରେ ଜମ୍ମୁ କଶ୍ମୀର ପୋଲିସ ମଧ୍ୟ ସତର୍କତା ବୃଦ୍ଧି କରିଛି। ବିଭିନ୍ନ ସ୍ଥାନରେ ବଡ଼ ଧରଣର ଯାଞ୍ଚ ଅଭିଯାନ ଚାଲିଛି । ପୋଲିସର ପାଟ୍ରୋଲିଂକୁ ମଧ୍ୟ ବୃଦ୍ଧି କରାଯାଇଛି।
ସୂଚନାଯୋଗ୍ୟ, ଗତ କିଛି ଦିନ ହେବ ଜମ୍ମୁ କଶ୍ମୀରରେ ଆତଙ୍କବାଦୀ ଆକ୍ରମଣ ବୃଦ୍ଧି ପାଇଛି। ୭୮ ଦିନ ମଧ୍ୟରେ ଏଠାରେ ୧୧ଟି ଆତଙ୍କବାଦୀ ଆକ୍ରମଣ ହୋଇଛି। ଏହି ରାଜ୍ୟରେ ଅନେକ ଆତଙ୍କବାଦୀ ଲୁଚି ରହିଥିବା ଇନପୁଟ ମଧ୍ୟ ଅଛି। ଏସବୁ ମଧ୍ୟରେ ବାଂଲାଦେଶରେ ହୋଇଥିବା ହିଂସା ଏବଂ ପୁଲୱାମା ଆକ୍ରମଣ ପରେ ସେଠାରୁ ବହୁ ସଂଖ୍ୟକ ଲୋକ ଭାରତ ଆସିବାକୁ ସୀମାରେ ପହଞ୍ଚିଛନ୍ତି। ଏସବୁ ହେତୁ ଦେଶରେ ଆତଙ୍କବାଦୀଙ୍କ ଅନୁପ୍ରବେଶ ହେବାର ଆଶଙ୍କା ରହିଛି।
